Foto: ashyq derekkóz
Almaty qalasynda Almaty Theatre sahnasynda Qurmanǵazy atyndaǵy Qazaq ulttyq halyq aspaptar orkestri uiymdastyrýymen «Qurmet» ordeniniń iegeri, «Daryn» memlekettik jastar syilyǵynyń laýreaty, kórnekti dirijer, daryndy kúishi, orkestrdiń bas dirijeri Abylai Tilepbergenniń «SERPIN» atty jeke shyǵarmashylyq kontserti ótti, dep habarlaidy Ult.kz.
Keshte Qurmanǵazynyń tókpe kúileri men Táttimbettiń shertpe dástúrin jańasha paiymda usynyldy. Abylai Tilepbergenniń jeke oryndaýyndaǵy jáne ulttyq orkestrmen birlesken shyǵarmalary kórermen kóńilinen shyqty. Ulttyq mýzyka óneriniń altyn qoryna engen tańdaýly kúiler men orkestrlik óńdeýdegi týyndylar tyń interpretatsiiada oryndaldy.
Kontsertke Qazaqstannyń Halyq ártisi Dimash Qudaibergen arnaiy qonaqtardyń qatarynda boldy. Olar bir sahnada óner kórsetip, jan tebirenter kúilerdi birge oryndady.
Is-sharada QR Eńbek sińirgen qairatkeri, sazger Renat Gaisin, Abai atyndaǵy Qazaq ulttyq opera jáne balet teatry solisteri men Memlekettik «Saltanat» bi ansambli ártisteri jáne dombyrashylar toby óner kórsetti.
