QR Densaýlyq saqtaý ministri Ajar Ǵiniiat abort jasaýǵa tyiym salý týraly pikir bildirdi, dep habarlaidy QazAqparat.
«Batys elderde abort máselesi óte qyzý talqylanyp jatyr. AQSh-tyń birneshe shtatynda tipti tyiym da salyndy. Bul másele boiynsha siz ne oilaisyz», - dep surady BAQ ókili ortalyq kommýnikatsiialar qyzmetinde ótip jatqan brifingide.
Ministr bul másele Qazaqstanda zańnama deńgeiinde retteletinin túsindirdi.
«Halyq densaýlyǵy jáne densaýlyq saqtaý júiesi týraly» kodeks boiynsha bizdiń elde áielderdiń reprodýktivtik quqyǵy bar. Demek, qursaǵyndaǵy balany dúniege ákelý, ákelmeý máselesin ózi, otbasymen aqyldasyp sheshedi. Sondyqtan, elimizde abortqa tyiym salatyn normalar joq. Ázirge ondai tyiym salatyndai normalar engizý qarastyrylyp jatqan joq», - dedi vedomstvo basshysy.
Sondai-aq, Ajar Ǵiniiat koronavirýstyń qazirgi shtamy bastapqy shtamdaryndai qaýipti emestigi týraly boljamdarǵa pikir bildirdi jáne ana men bala ólimin azaitý úshin zamanaýi talaptarǵa sai perinataldyq ortalyqtar salynyp, eldegi búkil perzenthanalar kúrdeli jóndeýden ótetinin aitty.
