QR Premer-Ministriniń orynbasary Gúlshara Ábdiqalyqova bastaǵan úkimettik delegatsiianyń Almaty oblysyna jumys sapary búgin de jalǵasty, dep habarlaidy "Ult aqparat".
Delegatsiia aldymen «Infraenergo» JShS bazasynda qala, aýdan ákimderimen, ónerkásip kásiporyndarynyń, biznes-qurylymdar men kásipodaq uiymdarynyń basshylarymen keńes ótkizdi. Bul zaýyt oblystaǵy iri kásiporyndardyń biri jáne jarylystan qorǵalǵan elektrlik-tehnikalyq jabdyqty, apparatýrany, baqylaý júiesin, apatqa qarsy qorǵanys jáne signalizatsiiany daiyndaýmen, montajdaýmen jáne jóndeýmen ainalysady.
Keńeske qatysýshylar jalaqysy tómen qyzmetkerlerdiń jalaqysyn arttyrý, jańa jumys oryndaryn qurý, biznestiń áleýmettik jaýapkershiligin kúsheitý, az qamtamasyz etilgen qyzmetkerlerge áleýmettik kómek kórsetý máselelerin qarastyrdy. Oblysta 11317 ujymdyq shart jasaldy, iri jáne orta kásiporyndardyń 74,1%-i qamtyldy. 118,5 myń adamdy qamti otyryp, jumys oryndaryn saqtap qalý boiynsha 9,7 myń memorandým jasaldy. Bul rette aǵymdaǵy jyldyń basynan beri óńirde jumyskerlerdiń jumystan bosatý jaǵdailary bolmaǵanyn aita ketý kerek.
Sonymen qatar 43 kásiporynda 704 kópbalaly qyzmetker jumys isteidi, onyń ishinde 524 adamnyń turǵyn úii joq. Mysaly, «PSI STROI UNDYSTRYA» JShS-da 95 kóp balaly qyzmetkerdiń 75-i páterge muqtaj.
Oblysta áleýmettik jaýapkershilik tanytýdyń aiqyn mysaly retinde Jambyl aýdanynan «Aqterek» sharýa qojalyǵynyń basshysy Temirlan Shainúsipovti keltirýge bolady. Ol aýyldastaryn jumyspen qamtamasyz etip qana qoimai, áleýmettik salaǵa da turaqty járdem berýde. 50 oryndyq «Dariia-2016» balabaqshasyn, zamanaýi fýtbol alańyn, sondai-aq «Bolashaq» ámbebap saýda ortalyǵyn saldy. Eń bastysy, ol 2008 jyldan bastap kópbalaly jáne az qamtylǵan otbasylarǵa, sondai-aq óz sharýashylyǵynyń jumysshylary úshin 105 úi turǵyzdy. Tabysty kásipker óz áriptesterin kópbalaly otbasylarǵa, az qamtylǵan azamattarǵa, sondai-aq múgedekterge jan-jaqty kómek kórsetýge úndedi.
Shara sońynda Gúlshara Ábdiqalyqova kásiporyn jáne biznes-qurylym basshylaryn Temirlan Shainúsipovtiń izgiligine qoldaý kórsetip, halyqtyń áleýmettik qorǵalmaǵan toptaryna júieli jáne jan-jaqty kómek kórsetýge shaqyrdy.
Budan ári G. Ábdiqalyqova 2017 jyly mamyrda ashylǵan Kópsalaly oblystyq balalar aýrýhanasynyń neonataldy ortalyǵyna bardy. Ortalyq jańa quraldarmen jabdyqtalǵan jáne balalar men jańa týǵan nárestelerge mamandandyrylǵan jáne joǵary sapaly hirýrgiialyq, travmatologiialyq kómek kórsetedi. Onyń jumysy óńirdegi náresteler óliminiń deńgeiin tómendetý maqsatynda patologiiany erte kezeńde anyqtaýǵa jáne aldyn alýǵa baǵyttalǵan. Ortalyq ashylǵannan beri 398 naýqas emdelgen, onyń ishinde 25-i jańa týǵan náresteler. Bul rette 189 ota júrgizilgen, onyń ishinde 18 sábige ota jasalǵan. Buǵan deiin Taldyqorǵan qalasynda jańa týǵan nárestelerge ota jasalmaityn.
Jumys sapary sońynda Premer-Ministrdiń orynbasary «Qaratal» shaǵyn aýdanyndaǵy stýdentterge arnalǵan jataqhana qurylysynyń barysymen tanysty. Qurylysy aiaqtalmaǵan qonaqúi ǵimaratyn qaita jańǵyrtýdyń arqasynda qalada 288 oryndyq zamanaýi stýdenttik jataqhana turǵyzylyp, mańyndaǵy aýmaq abattandyrylady. Jobanyń jalpy quny 2,4 mlrd. teńgeni quraidy.
Osymen úkimettik delegatsiia Almaty oblysyndaǵy óz jumysyn aiaqtap, Qaraǵandy oblysynyń Jezqazǵan qalasyna bet aldy.
