Almaty oblysynyń 20 jastaǵy arýy Narqyz Aidarova "Qazaq arýy – 2020" atandy, dep habarlaidy Sputnik Qazaqstan.
Prodiýser Baian Alagózova uiymdastyratyn baiqaý biyl 10 ret ótti. Almatyda Respýblika saraiynda ótken baiqaýǵa elimizdiń túkpir-túkpirinen 19 boijetken qatysty. Qatysýshylar sulýlyq, joǵary intelekt, salt-dástúr jáne ónerden baq synady.
Baiqaýda Narqyz Aidarova Abai Qunanbaiulynyń "Aittym sálem, Qalamqas" ánin oryndady.
Jeńimpaz bolǵan Narqyz Aidarova buǵan deiin rejisser Artem Gantsevtiń "Ǵaziz júrek" teleserialyna túsken.
I oryndy almatylyq Aiajan Toibazar, II oryndy Qaraǵandy qalasynyń 19 jastaǵy arýy Aiajan Múbarak, III oryndy Almaty qalasynyń 18 jastaǵy turǵyny Zere Moldabekova aldy.
Sondai-aq, baiqaý barysynda kórermen Tamara Asar, Aiqyn Tólepbergen, Qýandyq Rahym, Aigerim Qalaýbaeva, "KeshYOU" tobynyń ónerin tamashalady.
