Abai atyndaǵy memlekettik akademiialyq opera jáne balet teatrynyń tsehy virýstan qorǵanatyn maska tigip, qaiyrymdylyq retinde taratýdy qolǵa aldy, dep habarlaidy "Ult aqparat".
«Teatr qaýymdastyǵy birneshe kúnnen beri kostiým tigý jumysyn keiinge qaldyryp, virýstan qorǵaný maskalaryn ázirlep keledi. Bizdiń tigin tsehynyń sheberleri osyndai qiyn kezeńde de shyǵarmashylyqqa basymdyq berýde. Bir rettik jáne birneshe ret qoldanýǵa bolatyn dizainerlik maskalar jaqyn arada eriktilerge jiberiledi. Osylaisha, almatylyqtardy virýstan qorǵaýǵa úles qosyp kele jatqandary úshin alǵys aitamyz», - dep jazylǵan teatrdyń Feisbýktegi resmi paraqshasynda.
Sonymen birge, 29 naýryz kúni saǵat 12:00-de tikelei efirde ártister teatr ómiri týraly «GATOB LIFE» jańa jobasyn usynady.
Jobany teatrdyń Youtube, Facebook, Instagram paraqshalarynan tamashalaýǵa bolady. Kórermendermen alǵashqy onlain kezdesý «Korsar» baletine arnalmaq.
Eske sala ketsek, qazirgi ýaqytta koronavirýs infektsiiasymen aýyrǵandar sany 135-ke jetti.
