Abai oblysy Aiagóz aýdanyndaǵy ózenniń sý deńgeii kóterilip, 172 adam mektep-internat jataqhanasyna evakýatsiialandy, dep habarlaidy "Ult aqparat".
Oblys ákimdiginiń málimetine súiensek, Aiagóz ózeniniń sý deńgeii kóterilip ketti. Saqtyq sharalaryn saqtaý maqsatynda ózen irgesinde ornalasqan Tólendin kóshesindegi 43 jeke turǵyn úiden 172 adam evakýatsiialandy.
"Turǵyndardy ýaqytsha orynǵa jetkizý úshin 3 avtobýs bólindi. Alaida azamattardyń kópshiligi týǵan-týystarynyń úilerine ketti. Qalǵandary mektep-internat jataqhanasyna jáne jasósipirimder sport mektebine ornalastyryldy", - delingen aqparatta.
Sonymen qatar Aiagóz ózenine jaqyn Eshmaǵanbetov, Shyńǵoja batyr kósheleriniń turǵyndaryna saqtyq sharalaryn saqtaý eskertildi. Barlyǵy 324 turǵyn qamtyldy.
"Mamyrsý aýyldyq okrýginde de sý deńgeii kóterilip, saqtyq sharalaryn saqtaý maqsatynda ózen jaǵasyna jaqyn ornalasqan 10 úige, (onyń ishinde 30 eresek, 40 bala) eskertý jasaldy. Evakýatsiia pýnkti daiyn. Tótenshe jaǵdai boiynsha shtab qurylyp, kezekshilik uiymdastyrylǵan", - delingen habarlamada.
