Basylymda balanyń ájesiniń sózderi keltirilgen.
"Onyń anasy (zorlaýshylardyń biri. - Eskertý.) áli kúnge deiin mas kezinde balta, pyshaq alyp bizge keledi. Uly túrmege otyrǵany úshin bizdi kinálaidy, túrli sózder aityp qarǵaidy. Keshe ǵana qaitadan kelip ketti. Politsiia olarǵa eshteńe istei almaidy. Meniń nemerem syrtqa shyqpaidy, óitkeni "Eýraziia" telearnasy onyń bet-álpeti men shyn esimin kórsetken, sondyqtan oǵan bári áli kúnge deiin betine basyp aitady", - degen ol.
Birneshe saǵattan keiin basylymǵa balalar ombýdsmeni Arýjan Sain jaýap berdi.
"Bala anasymen birge osy jyldar boiy Almatyda turyp keledi, biz buny jaqsy bilemiz. Óitkeni olar qor eriktisi tegin bergen páterde turyp jatyr. Páterge riza boldy jáne áli de turady. Bala mektepte oqidy, densaýlyǵy jaqsy, anasy jumys isteidi. Bizdiń qor balanyń psihologqa barǵan sabaqtarynyń aqysyn tóledi, olar oń nátije berdi.
Men búgin anasymen sóilestim, bala mektepke barady. Qazir demalysta. Demalysty paidalanyp ekeýi de ájesine qonaqqa barǵan. Ájesimen bolǵan suhbat týraly eshteńe bilmeidi, ol osy másele boiynsha anasymen sóilesedi.
Maqalada aitqan balanyń Abai aýylynda áli de turatyny týraly aqparat - jalǵan", - dedi Arýjan Sain Facebook-te.
Sain bul aqparatty shyǵarýdyń artynda onyń qory men jeke basyna jala jaýyp, shabýyl jasaǵysy keletin adamdar turǵanyna senimdi.
Maqalaǵa bilim jáne ǵylym vitse-ministri Bibigúl Asylova da túsinik berdi. Ol BǴM Balalar quqyǵyn qorǵaý komitetiniń qyzmetkerleri advokatpen jáne balanyń otbasymen bailanysta ekenin aitty.
"Qazirgi ýaqytta balanyń ájesi Abai aýylynda, al anasy balasymen Almatyda turady, olar qor eriktisi tegin bergen páterde turyp jatyr. Búgin Arýjan Sain anasymen bailanysta boldy, bári tártippen, bala mektepte saltanatty jiynda boldy", - dep jazdy ol.
Sonymen birge, basylym avtorlary sheneýnikterdiń málimdemesine narazy boldy.
"Nelikten siz material shyqqanǵa deiin jaǵdaiǵa túsinik bermedińiz, men sizdiń ókilderińizge júgindim. Nege olarǵa páter berilmedi? Qorlyqqa shydap júrgen kári áielge kim qamqorlyq jasaidy? Maqalada ol únemi sonda turatyny týraly jazdy depsiz, nege? Nelikten anasy suhbat berýge qatty qorqady? Nege direktordan bastap bári óz ornynda otyr? Nelikten balanyń ájesi sizdiń eriktińiz bergen páterden shyǵaryp jibergenin aitty?" - dep surady maqala avtory Ásem Japisheva.
Sonymen qatar, basylymda material shyqqannan keiin redaktsiiaǵa qysym jasalǵany týraly jazyldy.
"Dál qazir bizdiń redaktsiiamyzǵa maqalany alyp tastaýdy talap etip, túrli vedomstvolardan belgisiz tulǵalardan shabýyl jasalyp jatqanyn habarlaýǵa májbúrmiz. Biz táýelsiz jýrnalisterge qysym kórsetýdi toqtatýdy talap etemiz. Biz jariialanǵan materialdy joiǵymyz kelmeidi. Bul adamdarǵa jýrnalisterdiń aýzyn jabýǵa tyryspai, eldegi máselelerdi sheshýge keńes beremiz", - delingen basylym habarlamasynda.
Aqparat jáne qoǵamdyq damý ministrligi jýrnalisterge kórsetilgen qysym týraly aqparatty túsindirdi.
"AQDM beiindi aqparat komitetiniń jaýapty qyzmetkerleri The Village redaktsiiasymen, sondai-aq maqala avtorymen bailanysqa shyǵyp, redaktsiiaǵa kómek kórsetý, bolǵan oqiǵanyń egjei-tegjeiin bilý úshin habarlasady. Ministrlik jýrnalister men BAQ-qa qysym kórsetýge jol berilmeidi degen ustanymda. Ministrlik óz tarapynan jýrnalisterdiń quqyǵyn qorǵaýǵa kómektesýge daiyn", - dep habarlady vedomstvo ókilderi.
Eske salaiyq, oqýshyǵa qatysty zorlyq-zombylyq týraly aqparat jelide 2018 jyldyń naýryzynyń ortasynda paida boldy. Birneshe joǵary synyp oqýshysy zorlyq jasady degen kúdikke ilindi. Birneshe eldiń sarapshysy 14 zertteý júrgizdi jáne bes aidan keiin zorlaý shynymen boldy degen qorytyndyǵa keldi. 2002 jyly týǵan kámeletke tolmaǵan úsh bala sotqa tartyldy. Úsh adamǵa qatysty qylmystyq qýdalaý 14 jasqa tolmaǵandyqtan toqtatyldy.
Sot protsesi jabyq rejimde ótti. Sottalýshy jalpy rejimdegi kámeletke tolmaǵandarǵa arnalǵan ortasha qaýipsizdik mekemesinde jazasyn óteýmen jeti jylǵa bas bostandyǵynan aiyryldy. Úkimdi alqabiler shyǵardy.
