Shyǵys Qazaqstan oblysynyń Abai aýdanynda batyr Toqtamys Laqaulyna eńseli eskertkish ornatyldy, dep habarlaidy "Ult aqparat".
«QR Tuńǵysh Prezidenti – Elbasy Nursultan Nazarbaevtyń «Rýhani jańǵyrý» baǵdarlamasy, «Uly dalalynyń jeti qyry» maqalasy aiasynda «Tý tikken Tobyqtynyń qolbasshysy» atanǵan tarihi tulǵa, áigili Abylai hannyń qas batyrlarynyń biri atanyp, Qabanbai, Bógenbai, Mamai batyrlarǵa izbasar ini bolǵan Toqtamys batyr Laqaulynyń 290 jyldyǵyna orai baba eskertkishi ashyldy», - dep jazdy Abai aýdanynyń ákimi Jarqynbek Baisabyrov áleýmettik jelidegi paraqshasynda.
Onyń atap ótýinshe, jalpy quny 33 mln teńge bolatyn qoladan jasalǵan eńseli eskertkishtiń boi kóterýine búkil aýdan jurtshylyǵy bolyp jinalyp, el aǵalary, jomart jandar, aýyl azamattary, sharýa qojalyǵy jetekshileri men kásipkerler demeýshilik jasady.
«Batyr baba tulǵasyn óz máninde somdap shyǵarǵan jerlesimiz, búkil respýblikamyzǵa tanymal qas músinshi Nurbek Qalievtei abzal azamatymyzǵa halyq riza!. Aýdan halqynyń kópten kútken tilegi, oiynda júrgen armany bolǵan Toqtamys batyr eskertkishi – aýylymyzdyń ajaryn arttyryp, sáýletine sán beretin, rýhani kúsh syilaityn kórnekti orynǵa ainalatynyna senim mol», - dedi J. Baisabyrov.
