Qarjylyq monitoring agenttiginiń Abai oblysy boiynsha departamenti prokýratýranyń úilestirýimen Jarma aýdanynda baǵaly metaldardy zańsyz óndirýmen ainalysqan toptyń qyzmetin toqtatty, dep habarlaidy ult.kz.
Jedel-izdestirý sharalary barysynda zańsyz barlaý jáne altyn óndirý jumystary júrgizilgen úsh ýchaske anyqtaldy.
Tergeý málimetinshe, zańsyz óndiris saldarynan jerdiń betki qabaty aitarlyqtai búlinip, qunarly topyraq sypyrylyp alynǵan.
Tintý kezinde altyn tústes metall, kendi baiytýǵa arnalǵan jýý jabdyqtary, arnaiy tehnika jáne avtokólikter tárkilendi.
Qazirgi ýaqytta quqyq qorǵaý organdary zańsyz óndirýge qatysy bar barlyq tulǵalardy anyqtap jatyr. Sondai-aq óndirilgen baǵaly metaldyń kólemi men memleketke keltirilgen zalal mólsheri eseptelýde.
Oqiǵaǵa qatysty sotqa deiingi tergeý jalǵasyp jatyr.
