Abai oblysynyń Borodýliha aýylynda 20 jastaǵy qyzdyń máiiti tabylyp, adam ólimine qatysty qylmystyq is qozǵaldy, dep habarlaidy ult.kz.
Oqiǵa 13 shilde kúni tańǵy saǵat 06:00 shamasynda bolǵan. Marqumnyń denesin aýyl turǵyny óz úiiniń mańynan baiqaǵan.
Abai oblysynyń politsiia departamenti málimetinshe, qyzdyń denesinen pyshaq jaraqaty anyqtalǵan. Atalǵan derek boiynsha «kisi óltirý» baby boiynsha sotqa deiingi tergeý bastaldy.
Politseiler kúdiktini anyqtap, ustaǵan. Qazirgi ýaqytta ol ýaqytsha ustaý izoliatoryna qamaldy.
Tergeýdiń aldyn ala nusqasy boiynsha, kúdikti men marqum bir-birin tanyǵan. Olardyń arasynda janjal bolǵany anyqtalyp jatyr.
Qazirgi ýaqytta oqiǵanyń barlyq mán-jaiyn anyqtaý úshin tergeý amaldary júrgizilýde.
