QR Prezidenti Ákimshiligi Basshysynyń birinshi orynbasary Dáýren Abaev «kók» mártebeli turǵyndardyń Nur-Sultanda saýda, oiyn-saýyq ortalyqtaryna kirgizilmeýine qatysty pikir bildirdi, dep habarlaidy QazAqparat.
«Bul sheshimniń óte qarapaiym qisyny bar – saýda ortalyqtary ásirese mereke qarsańynda halyq jii baratyn basty orynǵa ainalady. Tiisinshe, onda adamdar neǵurlym kóp júrse, aýrý juǵý yqtimaldyǵy da aitarlyqtai kólemdi bolady. Eger kei turǵyndar astanalyq dárigerler qabyldaǵan sheshimmen kelispese, ony quqyq pen bostandyqtyń buzylýy dese, Avstriiany mysal ete alamyn. Onda 15 qarashadan bastap vaktsina salmaǵan 2 mln azamat úshin lokdaýn bastaldy. Shekteý sharalary saqtalmasa myń jarym eýro aiyppul salynady. Meniń bilýimshe, mundai sheshim rojdestvolyq merekeler qarsańynda qarastyrylyp jatyr jáne Eýropanyń basqa elderi de osylai jasaýdy uiǵaryp otyr», - dep jaýap berdi Dáýren Abaev.
