ShQO-da 87 jastaǵy zeinetker alaiaqtardyń qurbany bola jazdady ShQO-da 87 jastaǵy zeinetker alaiaqtardyń qurbany bola jazdady Shai ónimderin ákelý men satýǵa salynǵan shekteý alyndy – Komitet Shai ónimderin ákelý men satýǵa salynǵan shekteý alyndy – Komitet
Álemde

Abaev "Irina Kairatovna" tobynyń suhbatyna qatysty pikir bildirdi (Video)

Ult portaly
Abaev "Irina Kairatovna" tobynyń suhbatyna qatysty pikir bildirdi (Video)



Prezident ákimshiligi basshysynyń birinshi orynbasary Dáýren Abaev "Irina Kairatovna" tobynyń tanymal reseilik bloger Iýrii Dýdke bergen suhbatyna qatysty pikir bildirdi.


"Ashyq dialog 2.0" jobasyna kelgen Abaev suhbatty tolyq emes, jartylai kórgenin aitty.


"IK" tobynyń jigitterin óz eliniń patrioty dep sanaisyz ba degen saýalǵa Abaev "iá" dep jaýap berdi.


- Alaida olar bilikti qatty synady. Osyǵan qatysty ne oilaisyz? – dep surady júrgizýshi Aleksandr Trýhachev.


- Bul - olardyń quqyǵy. Olar - bilikti synap jatqan alǵashqy adamdar emes. Órkenietti álem úshin ábden qalypty qubylys. Árine, keibir pikirlerimen kelispeimin. Keibirimen ishinara kelisemin. Al jalpy kóbi durys aityldy. Bul úshin olarǵa tek qol soǵýǵa bolady. Bul jerde eń bastysy ne? Eń bastysy – jigitterdiń el taǵdyryna nemquraily qaramaýy. Bul bizdiń jańa mádeni tolqynymyzdyń jaqsy belgisi dep oilaimyn. Sońǵy jyldar ishinde elimizde shyǵarmashyl jastardyń jańa býyny ósip, qalyptasty. Olar tek ánshiler, ártister, vainerler emes, jańa jas sýretshiler, teatr men kino rejiserleri, akterler, fotograftar jáne taǵy basqalar. Aitpaqshy, olardyń kóbi qazaq tilin nasihattaýǵa zor úlesin qosyp júr. Olar ony sándi etip, ásirese, jastardyń qyzyǵýshylyǵyn týǵyzady.


Sondai-aq Abaev jekelegen pikirler óte ótkir bolyp kórinýi múmkin ekenin atap ótti. Biraq ýaqyt barlyǵyn óz ornyna qoiady, dedi ol.

Sonymen qatar PÁ basshysynyń orynbasary áli de jýrnalistermen kezdesýge jáne olardyń suraqtaryna jaýap berýge daiyn ekenin jetkizdi. Sóziniń sońynda ol baǵdarlamanyń tolyq nusqasy internetke jariialanatynyn aitty. Biraq merzimin naqty ataǵan joq. 

«Biz buqaralyq aqparat quraldaryna árdaiym ashyqpyz. Taǵy bir nárse, meni qazir eshqaida shaqyrmaidy, múmkin suhbattyń bolmaýy osyǵan bailanysty shyǵar. Biraq Prezident ákimshiligindegi jumystyń sipaty úkimetten birshama erekshelenetinin joqqa shyǵarý aqymaqtyq bolar edi. Alaida, saýaldar týyndap jasta, onyń ishinde jýrnalister tarapynan bolsa, men óz quzyretimniń sheńberinde suraqtarǵa jaýap berýge daiynmyn», - dep túiindedi Dáýren Abaev.

Abaev qatysqan joba áleýmettik jelilerde jaryq kórdi. Júrgizýshi Aleksandr Trýhachev "Dáýren Abaevpen ashyq dialog" telebaǵdarlamasynyń kezekti maýsymy aiaqtalǵannan keiin bir jyldan soń joba jańa formatta kórermenderge jol tartqanyn málimdedi. Endi ony tek internetten kórýge bolady, biraq alańda sol burynǵydai ózekti máseleler qozǵalady.

"Shoý Iriny Kairatovny" jobasy 2017 jyly shyǵa bastaldy. Top qatysýshylary aldymen sketchter túsirdi. Keiinirek rep-mýzyka jazýǵa kiristi. "IK" beineklipteri áleýmettik jelide óte kóp kórilim jinap, kórermenderdiń oń baǵasyn alyp júr.

Aita keteiik, buǵan deiin reseilik tanymal jýrnalist, videobloger, 9,13 million jazylýshysy bar YouTube-arnasynyń júrgizýshisi hám avtory Iýrii Dýd qazaqstandyq "Irina Kairatovna" tobymen eki saǵattyq suhbat jasady.


Suhbat barysynda «Borat» filmi, eldegi turmystyq zorlyq-zombylyq, Qazaqstan men Reseige ortaq problemalar hám saiasi taqyryptar jaiynda áńgime qozǵaldy.

Oqi otyryńyz