Qazaq taǵamtaný akademiiasynyń prezidenti, meditsina ǵylymdarynyń doktory Tóregeldi Sharmanov koronavirýsqa qarsy vaktsinanyń alǵashqy komponentin saldyrdy, dep habarlaidy "Ult aqparat".
«Búgin álemdi jailaǵan bir infektsiia bar. Óte qaýipti indet. Ol – koronavirýs infektsiiasy. Budan saqtanýdyń bir-aq joly bar, ol – betperde taǵý, vaktsina saldyrý. Men 90-nan asyp bara jatyrmyn. Vaktsina saldyrdym. Úige kelip ekti. Eshqandai qaýip joq, uiqym jaqsy. Qaýipti indetten saq bolý úshin vaktsina saldyryńyz», - dedi Tóregeldi Sharmanov.
Akademik Sinopharm shyǵarǵan Vero Cell vaktsinasyn salǵyzdy.
Tóregeldi Sharmanov qaýipti indetke qarsy turý úshin jurtty vaktsina alýǵa shaqyrdy.
Sondai-aq ǵalym qazaqstandyqtardy vaktsina týraly jalǵan jańalyqtarǵa senbeý kerektigin eskertti.
«Qazir «vaktsina qaýipti» degen jalǵan aqparat taratylyp jatyr. Senbeńiz, vaktsina – bul qorǵanýdyń jalǵyz joly jáne jaqyn adamdaryńyzben birge bolýdyń jalǵyz múmkindigi», - dedi ǵalym.
Tóregeldi Sharmanov 1930 jyly 19 qazanda Qaraǵandy oblysy Ulytaý aýdanynda týǵan. Meditsina ǵylymdarynyń doktory, professor. Qazaqstannyń eńbek sińirgen qairatkeri, Qazaq taǵamtaný akademiiasynyń prezidenti.
Negizgi ǵylymi eńbekteri tamaqtaný fiziologiiasyna arnalǵan. Maman tamaqtaný tártibiniń buzylý sebepterin zerttep, adam denesine aqýyz, dárýmen jetispeý jóninde tujyrym jasady.
