Batys Qazaqstan oblysynda halyqaralyq izdeýde júrgen kúdikti qolǵa tústi. Ol Oral qalasynda júrgizilgen jedel-izdestirý sharalary barysynda ustalǵan, dep habarlaidy ult.kz.
Polisia.kz málimetinshe, er adam 2025 jyldyń aqpan aiynan beri halyqaralyq izdeýde bolǵan. Tergeý nusqasyna sáikes, ol aldaý jáne senimge qiianat jasaý arqyly qaiyrymdylyqqa jinalǵan 88 million teńgeden astam qarjyny zańsyz iemdengen degen kúdikke ilingen.
Ustaý kezinde kúdikti tártip saqshylarynan jasyrynýǵa tyrysyp, shkaftyń ishine tyǵylǵan. Alaida politsiia qyzmetkerleri onyń jasyrynǵan jerin anyqtap, ustap aldy.
Atalǵan azamatqa Qazaqstan Respýblikasy Qylmystyq kodeksiniń 190-babynyń 4-bóligi («asa iri mólsherdegi alaiaqtyq») boiynsha kúdik keltirilgen.
Qazirgi ýaqytta kúdikti Oral qalalyq politsiia basqarmasynyń ýaqytsha ustaý izoliatoryna qamaldy. Oqiǵaǵa qatysty sotqa deiingi tergeý amaldary jalǵasyp jatyr.
