Onlain formatta ótken halyqaralyq simpoziýmge álemniń 70 elinen 450-den astam ǵalym, praktik, sarapshylar qatysty. Olar Covid-19 pandemiiasynan keiin tiimdi institýttardy ilgeriletip, tynys tirshilikti qaita qalpyna keltirý boiynsha oi-pikirlerimen bólisti, dep habarlaidy "Ult aqparat".
Simpoziým Turaqty Damý Maqsattaryn (TDM) iske asyrý jáne turaqty qaita qalpyna keltirý isinde tiimdi, inkliýzivti jáne esep beretin memlekettik mekemeler men tsifrlyq úkimetti transformatsiialaý máselelerine arnaldy.
Shara barysynda BUU Bas hatshysynyń ekonomikalyq jáne áleýmettik máseleler jónindegi orynbasary Liý Chjenmin, Koreia Respýblikasy Ishki ister jáne qaýipsizdik ministri Chin En, Koreia Respýblikasynyń Inchhon qalasynyń meri Namchýn Pak sóz sóiledi. Al arnaiy baiandamashylar retinde BUU-nyń 8-shi Bas hatshysy Pan Gi Mýn men Bangladesh Halyq Respýblikasynyń Memlekettik jáne qoǵamdyq basqarý ministri Farhad Hossein shaqyryldy.
Astana memlekettik qyzmet habynyń basqarýshy komitet tóraǵasy Alihan Baimenov simpoziýmda jasaǵan baiandamasynda, qazirgi kezde mekemelerdiń turaqtylyǵyn nyǵaitý – jumystyń sheshýshi baǵytyna ainalǵanyn atap ótti.
«VUCA álemindegi synaqtarǵa jaýap berý úshin úkimetterge qajetti sipattamalardan ózge, pandemiia jańa ahýaldy qalyptastyryp, memlekettik organdardyń sheshýshi rólin taǵy bir márte aiǵaqtady. Pandemiia jaǵdaiynda psihologiialyq aspektiniń mańyzy artty. Qazir eń aldymen jumys ortasyna nazar salýdyń mańyzdylyǵy arta tústi. Sondyqtan, tehnologiialarmen qatar, memlekettik basqarý júiesindegi kóshbasshylyq pen kadr saiasatyna kóńil bólgen jón», - dedi Baimenov.
Spikerler pandemiianyń áleýmettik-ekonomikalyq saldaryn tejeý jáne soǵan qatysty úilesimdi sharalar qabyldaýda esep beretin jáne inkliýzivti institýttar mańyzdylyǵyna toqtaldy. Olar, sonymen birge, daǵdarys kezeńinde biznestiń úzdiksiz jumysyn qamtamasyz etip, qajetti memlekettik qyzmetterdi usyný úshin innovatsiialar men tsifrlyq sheshimderdiń airyqsha rólin atap ótti.
Baiandamashylardyń aitýynsha, kóshbasshylyq, óńirlik yntymaqtastyq jáne tsifrlyq ekonomika – turaqtylyqty nyǵaitýda jáne pandemiia saldarynan týyndaǵan irkilisterdi joiýda negizgi elementter.
