7 jastan 16 jasqa deiingi balalardy múgedektik toptary boiynsha bólý kózdeledi. Bul týraly Senattyń jalpy otyrysynda azamattardyń jekelegen sanattaryn áleýmettik qorǵaý máseleleri boiynsha zań jobasyn birinshi oqylymda talqylaý kezinde QR Eńbek jáne halyqty áleýmettik qorǵaý ministri Serik Shápkenov málim etti, dep habarlaidy QazAqparat.
«Bala densaýlyǵynyń buzylý dárejesin jáne tynys-tirshilik áreketiniń shektelýin eskere otyryp, zań jobasynda 7 jastan 16 jasqa deiingi balalardy (múgedektik) toptar boiynsha bólý kózdelgen. Bul qadam balalar aýrýynyń dárejesine qarai ońaltý is-sharalary men áleýmettik kómekti, onyń ishinde járdemaqylar mólsheri bóliginde saralaýǵa múmkindik beredi. Osy oraida 30 myńnan astam múmkindigi shekteýli balaǵa qatysty bolady», - dedi ministr.
Eńbek ministrligi málimetinshe, bul rette múgedektigi bar balalardyń barlyq toptary úshin járdemaqy mólsheri 16,7%-dan 37%-ǵa deiin ulǵaitylady.
