Jańa oqý jylynda Almatyda 4,9,10 synyptardyń 63 myńnan astam oqýshysy jańa baǵdarlama boiynsha oqidy. Bul týraly Almaty qalalyq bilim basqarmasynyń bastyǵy Gúlnár Qojabergenova aitty, dep habarlaidy QazAqparat tilshisi.
«Qalada jalpy bilim beretin 204 memlekettik, 55 jeke menshik mektep bar. Onda 257 myńnan astam oqýshy oqidy. Orta bilim salasynda negizgi ádister anyqtalǵan. Qazirgi ýaqytta Nazarbaev Ziiatkerlik mektebiniń tájiribesi taratylýda. Jańa integratsiialanǵan bilim berý baǵdarlamasy balalardyń qabiletterin damytýǵa, oqýshylardyń bilimi men daǵdylaryn naqty tájiribede jáne fýnktsionaldyq saýattylyqta qoldanýǵa baǵyttalǵan. 2016 jyldan bastap NZM tájiribesine sáikes 1,2,3,5,6,7,8 synyptar jańartylǵan bilim berý mazmunyna kóshken bolatyn. Jańa oqý jylynda 4,9,10 synyptardyń 63 myńnan astam oqýshysy jańa baǵdarlama boiynsha oqityn bolady. Osy baǵytta 15 myńnan astam muǵalim biliktilikti arttyrý kýrstarynan ótti», - deidi G.Qojabergenova Almatydaǵy bilim berý qyzmetkerleriniń forýmy barysynda.
Onyń aitýynsha, himiia, biologiia, fizika jáne informatika pánderinde aǵylshyn tilin qoldaný boiynsha jumys jalǵasady.
«Qazirgi ýaqytta atalǵan pánderdiń oqytýshylary aǵylshyn tilin úirenýde, kýrs osy jyly aiaqtalady», - dedi departament basshysy.
Aita ketý kerek, búgin Almatyda bilim berý qyzmetkerleriniń forýmy ótip jatyr, onyń barysynda 2018-2019 oqý jylynyń qorytyndysy shyǵarylyp, jańa 2019-2020 oqý jylyna arnalǵan strategiialyq mindetter aiqyndalady.
