Jetisý oblysynda 61 bas iri qara mal urlaǵan alty turǵyn sottaldy, dep habarlaidy ult.kz.
Polisia.kz málimetinshe, tergeý barysynda Sarqan aýdanynyń turǵyndary aldyn ala sóz bailasyp, maldardy Alakól aýdanynan Sarqan aýdanyna aidap áketkeni anyqtaldy. Urlanǵan maldyń bir bóligi soiylyp, etin satý josparlanǵan.
Mal ielerine keltirilgen jalpy shyǵyn 28,8 mln teńgeni qurady.
Sot úkimimen alty adamnyń barlyǵy kináli dep tanylyp, árqaisysyna 2 jyldan 5 jylǵa deiin bas bostandyǵynan aiyrý jazasy taǵaiyndaldy.
Politsiia mal urlyǵynyń aldyn alý jáne mundai qylmystardy der kezinde ashý baǵytyndaǵy jumysty jalǵastyratynyn málimdedi.
