Elimizdegi tótenshe jaǵdaiǵa bailanysty 2020 jylǵy 6 sáýirden bastap Qazaqstan Respýblikasynyń orta bilim berý uiymdary qashyqtan oqytý júiesine kóshedi.
QR Bilim jáne ǵylym ministrligi men QR Aqparat jáne qoǵamdyq damý ministrligi birlese otyryp beinesabaqtardy qazaq tilinde «Balapan» telearnasynda kórsetedi. Dúisenbi-juma kúnderi tańǵy saǵat 09:00-den bastap 15:00 aralyǵynda 1-11 synyptyń oqý pánderi boiynsha barlyǵy 2042 beinesabaq ótkizý josparlanǵan.
Bul týraly «Qazaqstan» RTRK» aktsionerlik qoǵamynyń baspasóz qyzmeti habarlady.
«Qazaqstan» respýblikalyq teleradiokorporatsiiasynyń quramyndaǵy «Balapan» telearnasy «Otau TV» spýtniktik operatory, «Alma TV» kabeldik operatory, ID TV tsifrlyq teledidar qyzmeti arqyly qoljetimdi. Sonymen qatar arnany www.balapan.tv resmi saity men «Qazaqstan.tv» mobildi qosymshasynan onlain kórýge bolady. «Android» jáne «iOS» platformalaryna laiyqtalǵan mobildi qosymshany «App Store»,«Play Market» servisteri arqyly tegin júkteý múmkindigi qarastyrylǵan.
Beinesabaqtardy kópshilikke ońai qoljetimdi etý maqsatynda «Balapan» telearnasynyń You Tube jelisindegi resmi arnasynan da tikelei kórsetý josparlanyp otyr.
