Daǵystannyń Hiv aýdanynda 59 jastaǵy jergilikti turǵyn 5 jasar qyzdy úiinen kúsh qoldaný arqyly alyp shyǵyp, kóligimen orman shetine barǵan, dep habarlaidy ult.kz.
Ol balany túni boiy pyshaqpen qorqytyp ustaǵan. Bul týraly Daǵystannyń Ishki ister ministrligi men prokýratýrasy habarlady.
Málimet boiynsha, kúdikti 44 jastaǵy qyzdyń anasymen kóńil jarastyrýdy qalaǵan. Áieldiń bas tartýynan keiin oǵan psihologiialyq qysym kórsetý maqsatynda qyzyn urlap ketken dep boljanyp otyr.
Jedel izdestirý sharalary barysynda kúdikti men qyzdyń ornalasqan jeri anyqtalyp, bala bosatyldy. Er adamdy ustaý kezinde qyzdy óltiremin dep qorqytyp, politsiia qyzmetkerlerine qarsylyq kórsetken. Onyń áreketinen eki politsiia qyzmetkeri pyshaq jaraqatyn alǵan.
Qyz aman-esen bosatylyp, kúdikti ustaldy. Oqiǵaǵa bailanysty adam urlaý, adam óltirýge oqtalý jáne bilik ókilderine ómirine qaýip tóndiretin kúsh qoldaný baptary boiynsha qylmystyq is qozǵaldy.
