Azamattyq hal aktilerin memlekettik tirkeýdi uiymdastyrý, azamattyq hal aktileri jazbalaryna ózgerister engizý, qalpyna keltirý, joiý qaǵidalaryna ózgerister engizildi, dep habarlaidy QazAqparat.
Qujat boiynsha, endi azamattyq hal aktilerin tirkeý qyzmetin alý úshin azamattar jeke jeke basyn kýálandyratyn qujattyń elektrondy nusqasyn usyna alady.
Atap aitsaq, nekeni tirkeý, neke jasyn tómendetý, nekeni buzý, 16 jasqa deiingi balalarǵa týý týraly qaitalama kýálikterdi berý, týýdy tirkeý, aty-jónin ózgertýdi tirkeý, azamattyq hal aktileri jazbalaryn qalpyna keltirý jáne joiý, azamattyq hal aktilerin tirkeý týraly qaitalama kýálikterdi nemese anyqtamalardy berý rásimderi elektrondy jeke kýálik arqyly da iske asyrylady.
«Nekege turýǵa niet bildirgen adamdar neke qiiýdy (erli-zaiypty bolýdy) tirkeýdiń belgilengen kúni jeke basty kýálandyratyn qujatpen nemese tsifrlyq qujattar servisinen elektrondyq qujatpen tirkeýshi organǵa kelýi qajet.
Eger nekege otyrýǵa (erli-zaiypty bolýǵa) tilek bildirýshiler dáleldi sebeptermen belgilengen kúni tirkeýshi organǵa kele almasa, neke qiiýdy (erli-zaiypty bolýdy) memlekettik tirkeý merzimi olardyń ótinishi boiynsha basqa ýaqytqa aýystyrylady. Belgilengen kúni nekege (erli-zaiyptylyqqa) otyratyn adamdar ne olardyń bireýi dálelsiz sebeptermen kelmegen jáne nekeni (erli-zaiyptylyqty) tirkeý merzimin uzarta otyryp, ótinish týraly aryz bolmaǵan jaǵdaida ótinish joiylýǵa tiis», - delingen buiryqta.
Nekeni buzǵysy keletin erli-zaiyptylar tirkeýshi organǵa jeke basyn kýálandyratyn qujatpen nemese belgilengen kúni tsifrlyq qujattar servisinen alynǵan elektrondyq qujatpen kelýi kerek.
«Nekeni (erli-zaiyptylyqty) buzǵysy keletin erli-zaiyptylar nekeni (erli-zaiyptylyqty) buzýdy tirkeý úshin belgilengen kúni jeke basyn kýálandyratyn qujatpen nemese tsifrlyq qujattar servisinen elektrondyq qujatpen tirkeýshi organǵa kelýi qajet. Júrgizilgen tekserý nátijeleri boiynsha laýazymdy tulǵa derekterdi Azamattyq hal aktlerin jazýdyń aqparattyq júiesine ótinish berilgen kúnnen bastap 1 (bir) ai ótkennen keiin erli-zaiyptylardyń ekeýiniń qatysýymen engizedi», - dep jazylǵan qujat mátininde.
Buiryq 2021 jylǵy 5 qyrkúiekten bastap kúshine enedi.
