7 mamyrdaǵy jaǵdai boiynsha 2,1 mln qazaqstandyq tótenshe jaǵdai rejimi kezeńinde tabysynan aiyrylýyna bailanysty Memlekettik áleýmettik saqtandyrý qorynan 42 500 teńge mólsherindegi tólemdi ekinshi ret aldy.
Bul týraly QR Eńbek jáne halyqty áleýmettik qorǵaý ministrliginiń baspasóz qyzmeti habarlady.
Buǵan deiin habarlaǵandai, tólemdi esepteý úshin alǵashqy ai retinde 16 naýryzdan bastap 15 sáýir aralyǵyndaǵy ýaqyt qaralady. Ekinshi ai — 16 sáýirden 11 mamyrǵa deiingi aralyq.
Joǵaryda aitylǵandarǵa sáikes, 16 sáýirge deiin ótinish bergen azamattar (áleýmettik járdemaqylar taǵaiyndaý qashan jasalǵanyna qaramastan), tótenshe jaǵdai kezinde tabysynan aiyrylýyna bailanysty Memlekettik áleýmettik saqtandyrý qorynan tólemder taǵaiyndaý erejesinde kórsetilgen sharttardy saqtai otyryp, 42 500 teńge tólemge ekinshi aida úmitker bola alady.
Esterińizge sala keteiik, 42 500 teńge tólemi engizilgen sátten bastap ony 4,5 mln adam aldy.
