QR Eńbek jáne halyqty áleýmettik qorǵaý vitse-ministri Nariman Muqyshev 42 500 teńgege ótinim maquldanǵannan keiin, aqsha qai bankke jiberilgenin kórý múmkindigi jasalǵanyn aitty, dep habarlaidy "Ult aqparat".
«Qaiyrly kesh! «Esepshotqa aqsha jiberildi me?» degen suraq kóp túsip jatyr. Naqty JSN boiynsha da tekserip berýdi jii ótinedi. Sondyqtan sizderdiń árqaisylaryńyz aqshanyń jiberilgendigin jáne jiberilse qaida túskendigin bilýlerińiz úshin tsifrlyq komandamyz sońǵy birneshe kún boiy birqatar integratsiialyq jáne tehnikalyq jumystar júrgizdi. Endigi ýaqytta egov.kz jáne 42500.enbek.kz -te ótinim statýsynan aqsha jiberilgendigin tekserýge jáne jiberilse qai bankke aýdarylǵanyn kórýge bolady», - dep jazdy ol Telegram-paraqshasynda.
Vitse-ministrdiń atap ótýinshe, ótinim maquldanyp, aqsha jiberilgen bolsa, onda statýs 5-inshi qadamdy jasyl túspen kórsetedi jáne tómengi jaǵynda qai bankke 42 500 teńge jóneltilgendigi jazylady. Eger kartańyzǵa túsken aqshany kórmeseńiz, onda bankke júginýińiz qajet.
«Eger ótinim maquldanǵanymen esepshot nómiri qate kórsetilse, onda statýs 5-inshi qadamdy sary túspen kórsetedi jáne tómengi jaǵynda sizdiń durys esepshot nómirińizdi alýymyz úshin ne isteýińiz kerektigi týraly aqparat bolady. Mundai qatelikterdi biz jii anyqtaimyz. Sonymen qatar ony jii kóre de bermeimiz jáne bankter aqshany keri qaitaryp jiberedi. Mundai jaǵdaida bizdiń bazamyz arqyly nemese SMS arqyly basqa esepshot izdeýge týra keledi», - dedi Nariman Muqyshev.
