QR Aqparat jáne qoǵamdyq damý ministrligi salalyq jýrnalistika mamandaryn daiyndaý boiynsha aýqymdy jumystardy júzege asyrýda, dep habarlandy vedomstvonyń Facebook-tegi paraqshasynda.
Ministrlik málimetinshe, 2021 jyly ǵana Qazaqstannyń jetekshi joǵary oqý oryndarymen birlesken kúsh-jigerdiń arqasynda memlekettik, sondai-aq jeke menshik BAQ-tyń 4000-nan astam jýrnalisi elimizdiń áleýmettik-ekonomikalyq ómiriniń mańyzdy salalaryn jariia etý boiynsha tegin oqytýdan ótken.
Daiyndalǵan jýrnalister dezinformatsiiaǵa qarsy kúreste, sondai-aq qazaqstandyqtardy jan-jaqty obektivti aqparattyq aǵartýda BAQ pen áleýmettik jeliniń qazaqstandyq segmentin damytýǵa eleýli úles qosady dep kútilýde.
«Jalpy, qazirdiń ózinde respýblikalyq jáne óńirlik media jýrnalisteri meditsina, etnosaralyq qatynastar, din, IT salasy, ekologiia, agrarlyq sektor, qarjy jáne ekonomika, quqyqtaný máselelerin aqparattyq jariia etýdiń qyr-syry men erekshelikteri boiynsha oqytýdan ótti.
Ál-Farabi atyndaǵy QazUÝ, L.Gýmilev atyndaǵy EUÝ, S. Asfendiiarov atyndaǵy QazUMÝ, M. Nárikbaev atyndaǵy KazGIýÝ, Halyqaralyq aqparattyq tehnologiialar ýniversiteti, Halyqaralyq biznes ýniversiteti, M. Qozybaev atyndaǵy SKÝ ýniversitetiniń jetekshi oqytýshylary treningter men seminarlardyń koýchtary boldy», delingen habarlamada.
Vedomstvonyń málimetinshe, 2021 jyldyń qyrkúieginen bastap M. Nárikbaev atyndaǵy KazGIýÝ bastamasymen bakalavriat stýdentteri úshin «Jýrnalistika: analitika jáne tergeýler», sondai-aq Ál-Farabi Atyndaǵy QazUÝ-dyń magistratýra stýdentterine arnalǵan «Ekologiialyq jýrnalistika» eki jańa bilim berý baǵdarlamasy iske qosyldy.
Sondai-aq, ministrlik «Media damytý qory» korporativtik qory bazasynda mediamamandardy oqytý maqsatynda mýltimediialyq bilim berý-aqparattyq platformasyn iske qosty.
«Salalyq jýrnalistikany damytý josparynyń mańyzdy bóligi retinde ministrlik, salalyq uiymdar men salalyq kásiptik odaqtar arasynda 2021-2023 jyldarǵa arnalǵan kelisim jasalyd. Kelisim áleýmettik-ekonomikalyq jáne eńbek qatynastaryn retteýdiń jalpy qaǵidattaryn, salalyq jýrnalisterdi daiarlaý jónindegi taraptardyń ózara mindettemeleri men jaýapkershiligin aiqyndaidy dep kútilýde», delingen habarlamada.
