Almatydaǵy № 4 aýrýhananyń bas dárigeri Qanat Tezekbaev qolhatpen bostandyqqa shyqty, - dep habarlaidy "Ult aqparat".
Bul týraly onyń advokaty Qairat Baibazarov málimdedi.
2019 jyly 22 qyrkúiekte Almaty mamandandyrylǵan aýdanaralyq tergeý soty Qanat Tezekbaevty eki aiǵa qamaýǵa alýdy sanktsiialaǵan. 25 qyrkúiekte advokat sot sheshimine shaǵymdanyp, qaýly kúshin joiǵan. "Qanat Tezekbaev appeliatsiiany qaraýǵa qatysqan joq. Ony jaqyn arada tergeý izoliatorynan shyǵarady", - dedi Baibazarov.
Eske sala keteiik, jýyrda Almatyda №4 qalalyq klinikalyq aýrýhananyń bas dárigeri Qanat Tezekbaevtyń qamaýǵa alynǵany belgili boldy. №2 mamandandyrylǵan aýdanaralyq tergeý soty eki aiǵa qamaýǵa alý túrindegi bultartpaý sharasyn tańdaǵan.
Dárigerge Qylmystyq kodekstiń 317-baby, 3-bóligi "Meditsinalyq nemese farmatsevtikalyq qyzmetkerdiń kásibi mindetterin tiisti deńgeide oryndamaýy" boiynsha aiyp taǵyldy.
Tezekbaevtyń bas dáriger qyzmetinen ýaqytsha shettetilgeni habarlandy.
Sondai-aq, sot sanktsiiasymen №4 qalalyq klinikalyq aýrýhanasynyń anesteziology Asqar Tuńǵyshbaev ta eki aiǵa qamaýǵa alyndy. Ol da Qylmystyq kodekstiń 317-baby 3-tarmaǵy boiynsha aiyptalyp otyr.
Eger kiná dáleldense, úsh jylǵa deiin belgili bir laýazymdardy atqarý nemese belgili bir qyzmetpen ainalysý quqyǵynan aiyrylyp, bes jylǵa deiin sottalýy múmkin.
Buǵan deiin jelide Tezekbaevtyń ustalýy Nursultan Kúdebaevtyń ólimimen bailanysty bolýy múmkin ekeni jazylǵan hat taraǵan edi. Almaty politsiia departamentiniń basshysy Serik Kúdebaevtyń uly Nursultan Kúdebaev biyl tamyzdyń basynda Almaty oblysynda kvadrotsiklmen jol apatyna túsken bolatyn.
27 tamyzda ol Germaniiadaǵy emhanalardyń birinde kóz jumdy.
Al, búgin Qazaqstan Prezidenti Qasym-Jomart Toqaev osy iske bailanysty Niý-Iorkten arnaiy tapsyrma berdi.
