38 myńnan astam qazaqstandyq Vero cell vaktsinasyn aldy. Bul týraly QR Densaýlyq saqtaý ministri Aleksei Tsoi aitty, dep habarlaidy QazAqparat agenttigi.
«Tiisti kontingentti vaktsinatsiialaý jalǵasýda. Búgingi kúni vaktsinanyń 11,1 mln dozasy paidalanyldy. Onyń ishinde 1 komponentpen 6 276 224 adam egildi, bul tiisti halyqtyń 63 paiyzy. Ekinshi komponentpen 4 913 196 adam qamtyldy. Respýblikaǵa QHR-da óndirilgen Sinofarm vaktsinasynyń 1 mln dozasy ákelindi. Onyń ishinde egý pýnktterine vaktsinanyń 659 400 dozasy jetkizildi. Osy aptada vaktsinatsiialaý bastaldy, 38 161 adam egildi. Egý pýnktterinde shamamen 1 mln 300 myń birinshi komponent jáne 940 myń ekinshi komponent bar», - dedi ol Ortalyq kommýnikatsiialar qyzmetindegi baspasóz máslihatynda.
Sonymen qatar ol koronavirýstyq infektsiianyń turaqty túrde mýtatsiialanýyna qaramastan, profilaktikalyq is-sharalar vaktsinatsiia, maska kiiý rejimi; úi-jailardy jeldetý; qol gigienasy; áleýmettik qashyqty saqtaý bolyp qala beretindigin basa aitty.
«Qazaqstandyqtarǵa, qarapaiym profilaktikalyq is-sharalardy saqtaý jáne vaktsinatsiialaný qajettiligi týraly taǵy da eske salamyn», - dedi Aleksei Tsoi.
