Nur-Sultan qalasynyń ákimshilik sotyna 35 adam aryzdandy. Barlyǵy bas memlekettik sanitar dárigerdiń qaýlysynda kórsetilgen talaptardy zańsyz dep tanýdy talap etken, dep habarlaidy Sputnik Qazaqstan.
Sot materialdaryna sáikes, aryzdanýshylar vaktsina almaǵan jumyskerler úshin mindetti PTR-test engizý, profilaktikalyq ekpe jasaý, sondai-aq vaktsina saldyrmaǵandardy jumysqa kirgizbeý siiaqty tarmaqtardy zańsyz dep sanaidy.
"Qaýly konstitýtsiialyq normalardy buzady, ómirge qaýip tóndiredi jáne densaýlyqqa ziian keltiredi, adamdardyń eńbek etý quqyǵyn buzady. COVID-19 vaktsinasy tekserilmegen", - deidi olar.
Ákimshilik sot bas memlekettik sanitar dáriger shyǵarǵan qaýlylardyń bir bóligin zańsyz dep taný jáne kúshin joiý týraly shaǵymdy qanaǵattandyrýdan bas tartty.
"Sot qaýlylardy shyǵarý kezinde zańnama normalarynyń buzylýyn anyqtaǵan joq. Azamattardyń eńbek quqyqtary buzylmaǵan, óitkeni COVID-19-ǵa qarsy vaktsinalanbaǵan jumysker kepildendirilgen eńbek quqyqtaryn saqtaidy, eńbek fýnktsiialaryn qashyqtan júzege asyrýǵa ruqsat etiledi. Ol úshin qajetti jaǵdailar jasalýda", - delingen sot úkiminde.
Sýdianyń aitýynsha, qaýlylardyń daýly tarmaqtary vaktsinalaýdy uiymdastyrý máselesin reglamentteidi. Ony vaktsinalaýdy mindetteý dep qabyldaýǵa bolmaidy. Al Qazaqstan Respýblikasynyń farmatsevtikalyq naryǵyna qandai da bir vaktsinany kirgizý preparattyń qoiylatyn talaptarǵa sáikestigin bildiredi.
"Anyqtalǵan mán-jailardyń bárin, jalpy álemdik infektsiiamen kúresýge baǵyttalǵan sharalardy qabyldaýdyń qajettiligin eskere kelip, sot bas sanitar dárigerdiń qaýlylaryn zańsyz deýge negiz joq dep tapty", - dedi sýdia.
