Foto: exk.kz
Búgin sheteldik avtokólikterdi zańdastyrýdyń ekinshi kúni ótip jatyr.
Aldyn ala málimet boiynsha 5836 ótinim maquldandy, onyń ishinde 333 azamat memlekettik nómirlik belgi men tehpasport aldy, dep habarlaidy Polisia.kz Telegram-arnasy.
Aita ketý kerek, HQKO saǵat 22:00-ge deiin jumys isteidi. Jergilikti jerlerde mamandar ótinish berýshilerge keńes berip, bazalar boiynsha qujattardy tekserip, árbir ótinimdi jeke qarap jatyr.
QANDAI AVTOKÓLIKTER ZAŃDASTYRÝǴA JATADY?
Qazaqstan azamattary syrttan ákelgen sheteldik eseptegi jeńil avtokólikter, shaǵyn, orta syiymdylyqtaǵy avtobýstar, shaǵyn júk kólikter, basqarýy oń jaqtaǵy avtokólikter
ZAŃDASTYRÝ ÚShIN TALAP ETILETIN EREJELER
- Avtokólik Qazaqstanǵa 2022 jyldyń 1 qyrkúiegine deiin ákelingen bolýy kerek;
- Kriminaldyq esepte bolmaýy kerek;
- Basqa memlekette burynǵy tirkelgen jeri boiynsha esepten shyǵarylýy tiis;
- Eýraziialyq ekonomikalyq odaqqa kirmeitin elderden ákelingen avtokólik kedendik tazartýdan ótýi qajet.
Ótinim berý 2023 jyldyń 1 shildesine deiin jalǵasady.
ÓTINIM BERÝ JOLDARY
- e-gov.kz elektrondy úkimet portaly arqyly;
- Ekinshi deńgeili bankterdiń qosymshalary arqyly;
- HQKO-nyń “Óz-ózine qyzmet kórsetý sektory” arqyly.
AVTOKÓLIKTI ZAŃDASTYRÝ ÚShIN QAJET QUJATTAR
- Ótinim;
- Ótinim berýshiniń jeke basyn kýálandyratyn qujat;
- Kólik quralynyń pasporty nemese tirkeý týraly kýálik;
- Kólik quralyna menshik quqyǵyn rastaityn qujat.
Nátijesi arnaiy bazaǵa tirkeledi jáne kólik iesiniń telefonyna 1414 nómirinen SMS jiberiledi. Onda qabyldanǵan sheshim naqty jazylady. Zańdastyrýǵa ruqsat etilse, memlekettik alymdar tóleý qajet.
- Alǵashqy tirkeý úshin – 200 000 teńge;
- Tehpasport úshin memlekettik BAJ – 4 313 teńge;
- Memlekettik nómir – 9 660 teńge.
Odan soń kólik iesi sheteldik tehpasport, menshik quqyǵyn rastaityn qujatty HQKO mamandaryna tapsyrady.
Tirkeý bekitilgennen keiin avtokólik iesine QR tirkeý qujaty, memlekettik nómir beriledi.
video: Polisia.kz
