Osydan 32 jyl buryn birneshe er adamnyń jynystyq zorlyq-zombylyǵyna ushyraǵanyn aitqan Natasha Qalymbetova Qazaqstan Prezidentine beineúndeý jasap, óz isin jeke baqylaýǵa alýdy ótindi, dep habarlaidy ult.kz.
Onyń aitýynsha, tórt ai buryn ol basynan ótken jaǵdai týraly alǵash ret kópshilik aldynda ashyq málimdegen. Osydan keiin quqyq qorǵaý organdary ony Qazaqstanǵa shaqyryp, aryzyn qabyldaǵan. Alaida qylmystyq is tirkelgenimen, tergeý barysynda eleýli nátijege qol jetkizilmegenin aitady.
Natasha Qalymbetovanyń sózinshe, arada uzaq ýaqyt ótkendikten kýágerler men naqty aiǵaqtardyń bolmaýy istiń ilgerileýine kedergi keltirip otyr. Ol ózindegi eń mańyzdy dálel retinde sol oqiǵadan keiin, 1995 jyly dúniege kelgen qyzyn ataidy. Áieldiń boljamynsha, qyzy qazir AQSh-ta turýy múmkin.
Ol Memleket basshysynan istiń jan-jaqty ári ádil tergelýine yqpal etip, tergeý barysyn jeke baqylaýyna alýdy surady.
Qalymbetovanyń aitýynsha, onyń maqsaty tek óz isi boiynsha shyndyqqa qol jetkizý emes. Ol bul másele arqyly qoǵamnyń áielderge qatysty zorlyq-zombylyqtyń aldyn alý máselesine de nazar aýdarǵanyn qalaidy.
«Men bul qasiretti 32 jyl buryn bastan ótkerdim. Sol ýaqyttan beri qyzymnyń qaida ekenin bilmei ómir súrip kelemin. Bul istiń sońyna deiin jetkenin qalaimyn», – dedi Natasha Qalymbetova.
