«31-arnanyń» bas direktory laýazymyna Qurmanbek Jumaǵali taǵaiyndaldy, dep habarlaidy "Ult aqparat" telearnanyń baspasóz qyzmetine silteme jasap.
Buǵan deiin J. Qurmanbek «Astana» telearnasynyń bas direktory bolyp istegen.
«Jańa televiziialyq maýsymnyń bastalýymen «31-arnaǵa» Qurmanbek Jumaǵali bastaǵan top-menedjerlerdiń jańa toby keldi», - dedi «Vernyi Kapital» kompaniialar tobynyń bas direktory jáne «31-arna» Baqylaý keńesiniń múshesi Erlan Ospanov.
Jumaǵali Qurmanbek 1985 jyly 27 tamyzda dúniege keldi. 2008 jyly Abai atyndaǵy Qazaq ulttyq pedagogikalyq ýniversitetin «Jýrnalistika» mamandyǵy boiynsha bitirdi.
Q. Jumaǵali kásibi mansabyn «Qazaqstan RTRK» AQ telearnasynda redaktor retinde bastady, «Habar agenttigi» AQ-da redaktor-júrgizýshi, korrespondent boldy.
2013-2018 jyldary Q. Jumaǵali memlekettik qyzmette jumys istedi – Qaraǵandy oblysy ákimdiginde baspasóz qyzmetiniń basshysy qyzmetin atqardy, Mańǵystaý oblysynyń ishki saiasat basqarmasynyń basshysy boldy. 2018-2019 jyldary Q. Jumaǵali «Qazaq radiosy» JShS-ny basqardy, «Qazaqstan RTRK» AQ Basqarma tóraǵasynyń birinshi orynbasary boldy.
