Qazaqstan mamandary oilap tapqan tehnologiiamen jasalyp, Jambyl oblysynda óndirilip jatqan QazVas vaktsinasyn búginge deiin 300 myńnan astam qazaqstandyq alyp úlgergen, dep habarlaidy QazAqparat.
Bul týraly koronavirýs pandemiiasymen kúres jónindegi «El úshin egilemin» azamattyq shtabynyń Facebook-tegi paraqshasynda jazyldy.
Jazbada keltirilgen málimet boiynsha, koronavirýs pandemiiasymen kúres jónindegi «El úshin egilemin» azamattyq shtabynyń ókilderi «Biologiialyq qaýipsizdik problemalary ǵylymi zertteý institýtynyń mamandarymen kezdesip, otandyq vaktsina shyǵaratyn «OtarBioFarm» zaýytyna bas suqqan.
«Qazir zaýyt jabdyqty validatsiialaý rejiminde jumys istep tur. Qyrkúiekte shtattyq jumys rejimge kóshse, jyl sońyna deiin QazVac-tyń 2 mln dozasyn shyǵarý josparlanyp otyr», - dep zaylǵan shtab taratqan málimette.
Shtab ókilderi institýttyń bas direktory, biologiia ǵylymdarynyń doktory, QR Jaratylystaný ǵylymdary akademiiasynyń akademigi Kúnsulý Zakariianyń otandyq vaktsinanyń múmkindigi týraly aitqan málimetter ortaǵa salyp otyr.
«Mamannyń aitýynsha, qazir elimizde 300 myńnan astam qazaqstandyq QazVac vaktsinasynyń 2 dozasyn alǵan. Ázirge birde-bir ólim oqiǵasy tirkelmegen. Bul otandyq vaktsinanyń senimdiligine kepildik beretinin rastaidy», - dep jazylǵan shtabtyń aqparatynda.
