30 jyl buryn zorlyq kórgen Natasha Qalymbetova qyzy týraly sóz qozǵady, dep habarlaidy ult.kz.
Ol Stan.kz arnasyna suhbat berip, qyzymen qazirgi qarym-qatynasyn aityp berdi.
“Qyzymnyń boiy uzyn, kúlip qalǵan. Asyrap alǵan amerikalyq ata-anasyna rizamyn. Qyzym men kórmegen balalyq, jastyq shaqty kóripti. Erkeletip ósirip otyr. Ol meni keshiripti. Meniń kinám joq ekenin bilip otyr. Bir emes birneshe oqý bitirgen qyzym. Asyrap alǵan ata-anasy da kózi ashyq adamdar”, - dedi ol.
Onyń sózinshe, qyzynyń anasyna eshqandai renishi joq eken.
Natasha Qalymbetova — osydan shamamen 32 jyl buryn tórt jigittiń tarapynan toptyq zorlyq-zombylyqqa ushyraǵanyn málimdep, óz oqiǵasyn kópshilikke jariia etken qazaqstandyq áiel. Onyń aitýynsha, qylmystan keiin júkti bolyp, qyz bala dúniege ákelgen, alaida túrli jaǵdailarǵa bailanysty sábiinen aiyrylǵan. Kóp jyl boiy únsiz kelgen áiel 2026 jyly áleýmettik jeli arqyly basynan ótken oqiǵany aityp, ádildik izdeitinin málimdedi. Onyń úndeýi qoǵamda úlken rezonans týǵyzyp, quqyq qorǵaý organdary atalǵan derek boiynsha qylmystyq is qozǵap, tergeý jumystaryn bastady.
