Foto: gov.kz
Qazaqstan Respýblikasy Ishki ister ministrligi Ákimshilik politsiia komiteti tóraǵasynyń orynbasary Ǵalym Sarǵulov Ortalyq kommýnikatsiialar qyzmeti alańynda ótken baspasóz konferentsiiasynda balalardyń joldaǵy qaýipsizdigi máselesi áli de ózekti kúiinde qalyp otyrǵanyn aitty, dep habarlaidy Ult.kz.
285 balanyń ómiri – orny tolmas qaza
Spikerdiń aitýynsha, balalar – jol qozǵalysyna qatysýshylardyń eń osal sanaty. Sondyqtan olardyń ómiri men densaýlyǵyn qorǵaý – tek quqyq qorǵaý organdarynyń ǵana emes, búkil qoǵamnyń mindeti.
Ótken jyly jol-kólik oqiǵalary saldarynan 285 bala qaza tapqan. Sonymen qatar júzdegen bala túrli deńgeidegi jaraqat alǵan.
"Bul – jol berýge bolmaityn shyǵyn. Biz balalarymyzdyń ómiri men densaýlyǵyn saqtaý úshin bar kúsh-jigerimizdi salýǵa mindettimiz. Zardap shekken kámeletke tolmaǵandardyń jartysynan astamy kólik quraldarynyń jolaýshylary bolǵan. Qalǵandary – jaiaý júrginshiler, onyń ishinde velosipedshiler, samokat paidalanýshylar jáne moped júrgizýshileri", – deidi Ákimshilik politsiia komiteti tóraǵasynyń orynbasary.
Foto: Ortkom
Quzyrly organ ókiliniń sózinshe kóp jaǵdaida balalar arnaiy qaýipsizdik qurylǵylarynsyz nemese qaýipsizdik beldigin taqpai tasymaldanǵan. Bul – ata-analar men júrgizýshilerdiń jaýapsyzdyǵynan týyndaityn jaǵdailar.Jaiaý júrginshilerdiń qaýipsizdigi – ortaq jaýapkershilik
Jol-kólik oqiǵalarynyń bir bóligi jaiaý júrginshilerdiń, onyń ishinde kámeletke tolmaǵandardyń belgilenbegen jerden nemese tyiym salynǵan baǵdarsham belgisinde joldy kesip ótýinen bolady eken. Balalar jol jaǵdaiyn árdaiym durys baǵalai bermeidi. Burylys nemese toqtap turǵan kólik artynan basqa kóliktiń kenetten shyǵyp qalýy múmkin ekenin eskermeidi.
Qarańǵy ýaqytta jaryq shaǵylystyratyn elementterdiń bolmaýy da qaýip deńgeiin arttyrady. Osyǵan bailanysty balalarǵa joldan óter aldynda júrgizýshimen kózben bailanys ornatýdyń, asyqpai, muqiiat áreket etýdiń mańyzdylyǵyn túsindirý qajettigi aityldy.
"Jol qozǵalysy qaýipsizdigi júrgizýshilerge de, jaiaý júrginshilerge de bailanysty. Táýekel eki tarapta da bar. Alaida jol-kólik oqiǵalarynyń sebepteri retinde jaiaý júrginshilerdiń, sonyń ishinde kámeletke tolmaǵandardyń belgilenbegen jerden nemese tyiym salynǵan baǵdarsham belgisinde joldy kesip ótýi jii tirkeledi. Balalar keide jol jaǵdaiyn durys baǵalamai, burylys nemese toqtap turǵan kólik artynan kólik kenetten shyǵyp qalýy múmkin ekenin eskermeidi. Qarańǵy ýaqytta júrgizýshilerge jaiaý júrginshilerdi baiqaý qiynyraq, ásirese kiiminde jaryq shaǵylystyratyn elementter bolmaǵan jaǵdaida", – deidi Ǵalym Sarǵulov.
Profilaktikalyq sharalar kúsheitilýde
Ishki ister ministrligi balalar ólimin jáne jol-kólik jaraqattanýyn azaitý maqsatynda júieli jumystar júrgizip keledi eken. Atap aitqanda, «Qaýipsiz mektep avtobýsy», «Abailańyz, balalar!», «Abailańyz – jaiaý júrginshi!», «Ata-analar, balalardyń ómirin saqtańyzdar!», «Sizdiń jolaýshyńyz – bala!», «Mektepke jol» syndy profilaktikalyq aktsiialar turaqty uiymdastyrylyp otyrǵanyn Ákimshilik politsiia komiteti tóraǵasy óz sózinde aityp ótti.
"Sonymen qatar oqý kezeńinde balalardyń «úi–mektep–úi» baǵyty boiynsha qozǵalýyna eresekter tarapynan erekshe nazar aýdarý qajet ekenin atap ótkim keledi. Ata-analardy, pedagogtardy politsiia qyzmetkerlerimen birlesip árbir bala úshin eń qaýipsiz baǵytty aiqyndap, pysyqtaýǵa shaqyramyn. Bul baǵyt turaqty ári balanyń ózine jaqsy tanys bolýy tiis. Ata-analardy belsendi bolýǵa jáne osy baǵytta bizben birlese jumys isteýge shaqyramyn. Birge áreket etsek, nátijege qol jetkizemiz", – deidi Ǵ. Sarǵulov.
BAQ-qa úndeý
Spiker buqaralyq aqparat quraldary ókilderin jol qozǵalysy erejelerin saqtaýdyń mańyzdylyǵy týraly aqparattyq-túsindirý jumystaryn keńinen taratýǵa shaqyrdy.
Joldy tek jaiaý júrginshiler ótkeli arqyly kesip ótý, qaýipsizdik beldigin taǵý, balalarǵa arnalǵan arnaiy oryndyqtardy paidalaný – qarapaiym erejeler bolǵanymen, adam ómirin saqtap qalatyn mańyzdy talaptar.
Balalardyń qaýipsizdigi – barshanyń ortaq jaýapkershiligi. Qoǵam bolyp áreket etkende ǵana joldaǵy qaiǵyly statistikany azaitýǵa múmkindik bar.
