Pavlodarda kásiporynnan shamamen 25 mln teńge urlady degen kúdikpen onyń burynǵy kúzetshisi ustaldy, dep habarlaidy ult.kz.
Polisia.kz málimetinshe, politsiiaǵa Pavlodardaǵy kásiporyndardyń birinen qomaqty qarajattyń urlanǵany týraly habarlama túsken. Aldyn ala málimet boiynsha, keltirilgen shyǵyn kólemi shamamen 25 mln teńgeni quraǵan.
Jedel-izdestirý sharalary barysynda politseiler kúdiktiniń jeke basyn anyqtady. Ol kásiporynda kúzetshi bolyp jumys istegen.
Kúdiktiniń saiajaiyndaǵy ýchaskege tintý júrgizý kezinde tártip saqshylary 24 mln teńge aqshany tapqan. Kúdikti qarajatty alma aǵashynyń túbindegi kastróldiń ishine jasyrǵan.
«Kúdikti ustalyp, Pavlodar qalasy politsiia basqarmasynyń ýaqytsha ustaý izoliatoryna qamaldy. Tárkilengen aqsha qylmystyq is boiynsha zattai dáleldeme retinde tirkeldi», — dedi Pavlodar qalasy PB bastyǵy Balǵabai Qaparov.
Qazirgi ýaqytta tergeý amaldary jalǵasyp jatyr. Oqiǵanyń barlyq mán-jaiy anyqtalýda.
