«Qazgidromet» RMK mamandary 23 qyrkúiek kúni el aýmaǵynda aýa raiy qandai bolatynyn jariialady, dep habarlaidy "Ult aqparat".
Qazaqstannyń batysynda, ońtústik-batysynda jáne soltústiginde, sondai-aq ońtústik-shyǵysynyń taýly aýdandarynda fronttardyń yqpalymen aýa raiy qubylmaly bolady.
Sonyń áserinen jańbyr jaýady, eldiń ońtústik-batysy men ońtústik-shyǵysynyń taýly aýdandarynda naizaǵai jarqyldaidy. Soltústiginde azdaǵan jaýyn-shashyn bolady.
Respýblikanyń qalǵan aýmaǵynda jaýyn-shashynsyz aýa raiy kútiledi.
Batysynda, ońtústik-batysynda jáne ońtústik-shyǵystyń taýly aýdandarynda jel kúsheiip, batysynda jáne ońtústik-batysynda shańdy daýyl soǵady.
Respýblikanyń soltústiginde, soltústik-batysynda jáne ońtústik-batysynda tuman túsedi.
Mańǵystaý oblysynyń batysynda jáne ortalyǵynda naizaǵai oinaidy.
Túnde jáne tańerteń jaǵalaýda tuman kútiledi, kúndiz oblystyń soltústik-shyǵysynda shańdy daýyl bolady, jel ekpini - 15-20 m/s.
Túnde Jambyl oblysynyń taýly aýdandarynda kún kúrkireidi. Jel qarqyny 15-20 m/s deiin kúsheiedi.
Kúndiz Qyzylorda oblysynyń soltústik-batysynda jáne ortalyǵynda sekýndyna 15-20 metr jyldamdyqpen jel turady.
Kúndiz Atyraý oblysynyń ońtústik-shyǵysynda, ońtústiginde jáne ortalyǵynda shańdy daýyl soǵady.
Kúndiz óńirdiń basym bóliginde jeldiń kúshi 15-20 m/s jetedi.
Batys Qazaqstan oblysynyń ońtústiginde, ońtústik-batysynda, kúndiz Aqtóbe oblysynyń ońtústiginde jáne batysynda jel jyldamdyǵy 15-20 m/s bolady.
Pavlodar oblysynyń soltústiginde jáne batysynda, túnde jáne tańerteń Qostanai oblysynyń soltústiginde, soltústik-batysynda, Soltústik Qazaqstan oblysynyń soltústik-batysynda, Aqmola oblysynyń ońtústik-shyǵysynda, Shyǵys Qazaqstan oblysynyń soltústik-shyǵysynda tuman túsedi.
Túnde Almaty, Jambyl oblystarynyń soltústiginde, taýly jáne taý bókterindegi aýdandarynda topyraq betinde 1-3 gradýs úsik júredi.
Túrkistan, Qyzylorda, Almaty oblystarynyń basym bóliginde, Aqtóbe, Qaraǵandy, Shyǵys Qazaqstan oblystarynyń ońtústiginde tótenshe órt qaýpi saqtalady.
