Densaýlyq saqtaý ministrilgi 2025 jylǵa deiin dári-dármek pen meditsinalyq uiym shyǵaratyn 30 zaýyt salýdy josparlap otyr. Ortalyq kommýnikatsiialar qyzmetinde ótken brifingide «Salaýatty ult» ár azamat úshin sapaly jáne qoljetimdi densaýlyq saqtaý» ulttyq jobasyn tanystyrǵan QR Densaýlyq saqtaý ministri Aleksei Tsoi osyndai málimet berdi, dep habarlaidy QazAqparat.
«Ultyq jobanyń úshinshi baǵytynda Memleket basshysynyń biylǵy 1 qyrkúiektegi Joldaýynda aitylǵan tapsyrmalary eskerilgen. Qoldanystaǵy dárilik zattar men meditsinalyq buiymdardyń ishinde otandyq óndiristiń úlesin 50% deiin ulǵaitý josparlanyp otyr», - dedi ministr.
Sondai-aq, vedomstvo basshysy memlekettik satyp alý arqyly alynatyn meditsinalyq buiymdar men dári-dármektiń 50% otandyq óndiristen qamtý kózdelgenin atady.
«Halyqaralyq standarttarǵa sáikes akkredittelgen zerthanalar men ortalyqtardyń úlesi 100% jetkiziledi. Dárilik zattar men meditsinalyq buiymdardy shyǵarý boiynsha keminde 30 jańa óndiristi iske qosý josparlanǵan», - dedi Aleksei Tsoi.
