2022 jyldyń qańtarynan jappai revaktsinatsiia júrgiziledi. Bul týraly Úkimet otyrysynda QR Densaýlyq saqtaý ministri Aleksei Tsoi aitty, dep habarlaidy QazAqparat.
«60 jastan asqan adamdar, sonymen qatar KVI-ge qarsy antidenege arnalǵan testiniń teris nátijesi bar jáne zertteýden óz betinshe ótken tulǵalar belgilengen merzimsiz-aq revaktsinatsiiaǵa jiberiledi. Alǵashqy jappai vaktsinatsiia sáýir aiynda bastalǵanyn eskersek, birinshi vaktsinatsiiany aiaqtaǵan, vaktsinatsiianyń tolyq kýrsyn aiaqtaǵannan soń 6-9 aidan keiin respýblikanyń barlyq azamaty 2022 jyldyń qańtarynan bastap revaktsinatsiia alady», - dedi Aleksei Tsoi.
Osyǵan orai ministr ekinshi kezeńde birinshi vaktsinatsiiany aiaqtaǵan jáne revaktsinatsiia ýaqyty kelgen barlyq qalǵan adamdar revaktsinatsiiadan ótetindigin aitty.
«Osyǵan bailanysty óńirlerden osy jyldyń 22 qarashasynan táýekel tobyna kiretin tulǵalardy, odan keiin 2022 jyldan bastap qalǵan toptardy revaktsinatsiialaýdy uiymdastyrýdy ótinemin», - dedi ol.
