Zeinetaqy men járdemaqy tóleýge arnalǵan respýblikalyq biýdjettiń shyǵystary 2019 jylmen salystyrǵanda 2020 jyly 21 paiyzǵa ulǵaidy.
Bul týraly QR Eńbek jáne halyqty áleýmettik qorǵaý ministri Birjan Nurymbetov aitty, dep habarlaidy QazAqparat.
Ortalyq kommýnikatsiialar qyzmetinde onlain rejimde ótken halyqqa esep berý kezdesý barysynda ministr memleket halyqqa zeinetaqy men járdemaqy túrindegi áleýmettik tólemderdiń 39 túrine kepildik beretinin atap ótti. Jumys isteitin azamattar mindetti áleýmettik saqtandyrý júiesinen 5 áleýmettik táýekel boiynsha tólem alady. 2019 jyly áleýmettik tólemderge respýblikalyq biýdjetten 3,1 trln teńge bólindi. Zeinetaqy men járdemaqy jalpy 2,8 trln teńgeden astam somada 3,9 mln adamǵa berildi. Mindetti áleýmettik saqtandyrý júiesinen 194,2 mlrd teńge somasyna 825,2 myń adam tólem aldy.
«2020 jyly respýblikalyq biýdjette áleýmettik tólemderge 3,5 trln teńge qarastyrylǵan. Zeinetaqylar men járdemaqylardy jalpy 3,4 trln teńgeden astam somada 4 mln adamǵa berý kózdelgen. Bul 2019 jylǵy uqsas shyǵystarmen salystyrǵanda 21 paiyzǵa kóp», - dedi Birjan Nurymbetov.
Ministr sondai-aq, 2020 jyly zeinetaqy men járdemaqy mólsheri eki ret kóterilgenin atap ótti. Osylaisha, aǵymdaǵy jylǵy 1 qańtardan bastap yntymaqty zeinetaqylar - 7, bazalyq zeinetaqylar 5 paiyzǵa ulǵaidy. Osy jylǵy 1 sáýirden bastap zeinetaqynyń eki túri de taǵy 5 paiyzǵa artty. Nátijesinde, yntymaqty zeinetaqy mólsheri jyldyq mánde 12, bazalyq zeinetaqy mólsheri 10 paiyzǵa ulǵaidy.
