QR bilim jáne ǵylym ministrligi túlekterdiń emtihandy qalai tapsyratyny jaily aitty, - dep habarlaidy "Ult aqparat".
Vedomstvonyń Facebook jelisindegi paraqshasynda ministrliktegiler 11-shy synyp oqýshylarynyń qorytyndy attestatsiiany qalai tapsyratyny jaily jazdy.
"11-shy synyp oqýshylary qorytyndy attestatsiiany 5 pánnen tapsyrady, onyń ishinde tórt mindetti pán bar (qazaq tili, orys tili, algebra men analiz bastamasy, Qazaqstan tarihy) jáne tańdaý páni (qoǵamdyq-gýmanitarlyq baǵyttaǵy nemese jaratylystaný-matematikalyq baǵyttaǵy)", - dedi QR BǴM ókilderi.
Emtihandar qalai ótedi:
1. Qazaq tili men qazaq ádebietinen jazbasha emtihan (mektepte qai tilde oqýyna bailanysty tańdalady). Jazbasha emtihanǵa 3 saǵat (180 minýt) beriledi. Túlekter berilgen úsh taqyryptyń bireýin tańdaidy. Sol taqyrypty 250-300 simvoldan turatyn esse jazady. Taqyrypty tańdaǵan soń esseniń negizgi ideiasy, onyń problemalary men qajetti dálelderdi jazýy kerek. Sondai-aq, emtihan tapsyrýshy essede tildiń kómekshi quraldaryn (epitetter, metaforalar, ritorikalyq suraqtardy jáne qystyrma sózderdi) qoldanyp, qorytyndy jaza alýy tiis.
Orys tilindegi esselerdiń taqyryby mynandai bolýy múmkin:
- Doljny li týristy sobliýdat obychai stran, kotorye oni poseshaiýt?
- Soglasny li Vy s tem, chto naýchno-tehnicheskii progress okazyvaet vliianie na liýdei?
- Soglasny li Vy s tem, chto kinematograf okazyvaet bolshoe vliianie na molodioj?
Aita keteiik, qabyldanǵan jumystar biryńǵai talap boiynsha baǵalanyp, Bilim basqarmasyndaǵylarǵa jiberiledi.
2. Algebra men analiz bastamalarynan jazbasha emtihan. Oǵan 5 saǵat (300 minýt) beriledi. Onda 5 tapsyrma bolady. Algebra men analiz bastamalary páninen daiyndalǵan tapsyrmalar qoldanbaly matematikadaǵy logikalyq tapsyrmalardy sheshýge baǵyttalǵan.
3. Qazaqstan tarihynan aýyzsha emtihan (bilet arqyly tapsyrady). Ár bilette 3 suraqtan bolady, olardyń ekeýi teoriia bolsa, úshinshisi shyǵarmashylyq tapsyrma retinde keledi (tarihi kartalardy, syzbalardy, hronologiialyq kesteler men sýretterdi paidalaný arqyly).
4. Orys, ózbek, uiǵyr jáne tájik tilderinde bilim alǵandar qazaq tilinde test tapsyrsa, qazaq tilinde bilim alǵan túlekter orys tilinen test tapsyrady. Testke 80 minýt beriledi. Onda 40 suraq bolady:
- 20 suraq leksikalyq-grammatikalyq bolady;
- "Tyńdaý" - 10 suraq (2 mátin, 200-250 sózden turady);
- "Mátin oqý" -10 suraq (2 mátin, 200-250 sózden turady).
5. Testileý - tek bir pándi tańdaýǵa bolady:
- fizika, himiia, biologiia, geografiia, geometriia, dúniejúzi tarihy, ádebiet, shet tili (aǵylshyn tili, frantsýz tili, nemis tili), informatika.
Barlyǵy 40 suraq (80 minýt beriledi, 40 suraq - 60 ball):
• bir durys jaýaby bar 20 suraq (20 ball);
• birneshe durys jaýaby bar 20 suraq (40 ball).
"Túlek emtihanǵa qoiylǵan baǵamen kelispegen jaǵdaida kelesi kúni saǵat 13.00-ge deiin oblystyq, aýdandyq jáne qalalyq bilim basqarmasy qurǵan emtihan komissiiasyna ótinish túsire alady", - delingen BǴM Facebook jelisindegi paraqshasynda.
Vedomstvonyń málimetinshe, qorytyndy attestatsiia 2017 jyldyń 29 mamyr - 9 maýsym aralyǵynda ótedi. "Mektep bitirý keshteri 2017 jyldyń 15 maýsymyna deiin ótetin bolady", - dedi QR BǴM ókilderi.
Eske sala keteiik, osyǵan deiin Bilim jáne ǵylym ministrliginde UBT-nyń jańa formaty tanystyrylǵan bolatyn. Sondai-aq, QR BǴM ókilderi 2017 jylǵy túlekterge UBT-nyń ekige bólinetinin jariialaǵan edi.
