«Baiqońyr» ǵarysh ailaǵynda britaniialyq One Web spýtnikteriniń kezekti partiiasyn ushyrýǵa daiarlyq jumystary júrgizilip jatyr, dep habarlaidy "Ult aqparat".
«Quramynda OneWeb apparattary, «Fregat» údetkish blogy jáne bas aǵyzǵyshtan turatyn bas bólikti qurastyrý jumystary aiaqtaldy. Ushyrýǵa daiarlyqtyń kelesi kezeńi - «Soiýz-2.1b» zymyran-tasyǵyshymen biriktirý úshin bas bólikti № 31 alańnyń tehnikalyq keshenine tasymaldaý», - dep málim etti Roskosmostyń baspasóz qyzmetinen.
Buǵan deiin habarlanǵandai, OneWeb spýtnikteriniń jańa partiiasy Baiqońyrǵa 2021 jyldyń 30 shildesinde jetkizildi. OneWeb-tiń 34 ǵarysh apparatyn ushyrý Baiqońyr ǵarysh ailaǵynyń 31-shi alańynyń «Vostok» ushyrý kesheninen 2021 jyldyń 20 tamyzyna josparlanǵan.
