2020 jylǵy 20 maýsymnan bastap Túrkiiaǵa, Qytaiǵa, Ońtústik Koreiaǵa, Tailandqa, Grýziia men Japoniiaǵa halyqaralyq reister kezeń-kezeńmen jańartylady. Bul týraly "Ult aqparat" IIDM silteme jasap habarlaidy.
Qazaqstan Respýblikasynyń aýmaǵynda koronavirýstyq infektsiianyń paida bolýy men taralýyna jol bermeý jónindegi vedomstvoaralyq komissiianyń 2020 jylǵy 11 maýsymdaǵy sheshimine jáne QR Densaýlyq saqtaý ministrliginiń usynymdaryn, epidemiologiialyq jaǵdaidyń deńgeiin eskere otyryp, Dúniejúzilik densaýlyq saqtaý uiymynyń (DDSU) kartasyna sáikes 2020 jylǵy 20 maýsymnan bastap Túrkiiaǵa, Qytaiǵa, Ońtústik Koreiaǵa, Tailandqa, Grýziia men Japoniiaǵa halyqaralyq reister kezeń-kezeńmen jańartylady.
Halyqaralyq baǵyttar boiynsha reister sany áýe qatynasy týraly qoldanystaǵy úkimetaralyq kelisimder negizinde jáne ár baǵyt boiynsha áýe kemeleriniń kommertsiialyq júktemesine bailanysty oryndalatyn bolady.
Reister men biletterdi satý áýekompaniialardyń saittarynda jariialanǵan kestege sáikes júzege asyrylady. Osy oraida azamattardyń joǵaryda atalǵan eldermen memlekettik shekaralar arqyly ótýine shekteýlerdi alyp tastaý eskerilgen.
