Qazaqstanda 2 mlrd tal otyrǵyzý jobasyna 200-den astam orman tálimbaqtary men basqa da uiymdar qatysady, dep habarlaidy "Ult aqparat" Orman sharýashylyǵy jáne janýarlar dúniesi komitetine silteme jasap.
«Qazirgi ýaqytta QR Ekologiia ministrligi elimizdiń aýqymdy kógaldandyrý jobasyn iske asyrýda. Onyń aiasynda 5 jylda 2 mlrd tal otyrǵyzý kózdelgen. Joba bastalǵan sátten beri 81,5 mln tal otyrǵyzyldy. Kúzde taǵy 48,2 mln tal otyrǵyzý josparlanǵan. Aǵash otyrǵyzý kólemi jyl saiyn 2021 jylǵy 129,7 mln-nan 2025 jyly 642,8 mln aǵashqa deiin ulǵaiatyn bolady», - dep habarlady komitet.
Jobany júzege asyrý úshin ministrliktiń barlyq oblystary men vedomstvoǵa qarasty mekemelerinde ormandardy molyqtyrý men ósirýdiń 5 jyldyq keshendi jospary bekitildi. Olardy ázirleýde qoldanystaǵy tálimbaqtardyń jáne kóshet ósiretin basqa uiymdardyń qazirgi áleýetine taldaý jasaldy.
Osy derekterge sáikes, aǵashtar men butalardy otyrǵyzý jumysy boiynsha josparly kórsetkishter ázirlendi. Oblystarda materialdar jetkilikiz bolsa, josparmen jumys istep turǵan tálimbaqtardy keńeitý jáne ýaqytsha tálimbaq qurý kózdelgen. Sondai-aq, orman daqyldarynyń tuqymyn jinaý kórsetkishteri eskerilgen.
«Búginde Qazaqstanda orman daqyldarynyń otyrǵyzý materialdaryn kóbeitý men ósirýdi júzege asyratyn 44 turaqty jáne 158 ýaqytsha tálimbaqtar men uiymdar jumys isteidi. Onda qaraǵai, shyrsha, balqaraǵai, qaiyń, shegirshin, sekseýil, úieńki, shaǵan, emen jáne basqa da aǵash túrleriniń 1-3 jastaǵy kóshetteri bar. Barlyǵy – 165,5 mln dana. Aita keteiik, jobada basqa elderden kóshet satyp alý qarastyrylmaǵan», - deidi Orman sharýashylyǵy jáne janýarlar dúniesi komiteti.
Eske sala ketsek, Qazaqstan orman alqaby az memleketter qataryna jatady. Orman qoryna jatatyn jerlerdiń jalpy kólemi 30 mln gektardy quraidy. Iaǵni respýblikamyzdyń 11%-yn ǵana alyp jatyr. 13 mln gektar jerde orman ósýde. Ormandylyq kórsetkish 4,8% quraidy. 2030 jylǵa qarai eldegi orman alqaby kólemin 5%-ǵa deiin ulǵaitý josparlanýda.
Komitettiń habarlaýynsha, shamamen 610 myń sekseýil, 555 myńnan astam qaraǵai, 193 myńnan astam úieńki, 132 myńnan astam shegirshin, 100 myńnan astam qaiyń jáne basqa da aǵashtar otyrǵyzý josparlanǵan.
