Merkide kóz jumǵan 19 jastaǵy kelinshektiń isine qatysty jańa jerekter shyqty, dep habarlaidy ult.kz.
Jan Ahmadiev Merkige qaita jolǵa shyqqanyn málimdedi.
“Erteń Tarazǵa jolǵa shyǵamyz. Sebep — Madiiar áli kúnge deiin qamaýǵa alynbady. Nege? Tergeý qai deńgeide? Politsiia nege naqty áreket etpei otyr? Osy suraqtardyń jaýabyn talap etý úshin Tarazǵa bara jatyrmyz. Madina isinde ádildik ornamaiynsha, toqtamaimyz”, - dep jazdy ol.
Merki aýdanynda 19 jastaǵy Madina Rashidqyzynyń qazasyna qatysty is qoǵamda úlken rezonans týdyrdy. Ashyq derekkózderde marqumnyń artynda sábii qalǵany, qaiǵyly jaǵdai aldynda kúieýimen «Barni» táttisine bailanysty janjal bolǵany jáne Madinanyń qurbysyna jazǵan hattarynda kúieýiniń ózine qol kótergenin aitqany jariialandy. Madina keiin kúieýinen ketip, ajyrasýǵa nietti bolǵany da habarlanǵan.
Sonymen qatar marqumnyń týystary onyń denesinen kógergen jáne jaraqat izderin kórgenin aityp, ólimniń mán-jaiyna kúmán keltirgen. Qazir oqiǵaǵa qatysty qylmystyq is qozǵalǵan, al quqyq qorǵaý organdary ólimniń naqty sebepteri men mán-jaiyn anyqtap jatyr. Áleýmettik jelide taraǵan málimetter men týystarynyń málimdemeleri ázirge tergeýdiń resmi qorytyndysy bolyp sanalmaidy.
