Almaty oblysynda 20 jeke sot oryndaýshysynyń býkmekerlik keńselerdegi oiyn shottaryna shamamen 180 mln teńge aýdarǵany anyqtaldy, dep habarlaidy ult.kz.
Alaida Respýblikalyq jeke sot oryndaýshylar palatasy bul qarajattyń barlyǵy qumar oiyndarǵa jumsalǵany nemese utylǵany týraly naqty derek joq ekenin málimdedi. Aqshanyń qaidan kelgeni de ázirge belgisiz.
Palata málimetinshe, jalpy somanyń 139 mln teńgesi Q.J.-ǵa tiesili. Ol bul qarajatty 2023–2024 jyldary aýdarǵan. Biraq sol kezde Q.J. jeke sot oryndaýshysy bolmaǵan. Litsenziiany 2025 jyly alyp, kásibi qyzmetine 2026 jylǵy 6 naýryzda kirisken.
Qazir prokýratýra habarlamasynda atalǵan ár adamǵa qatysty jeke tekserý júrgizilip jatyr. Onyń qorytyndysy boiynsha tártiptik jaýapkershilik máselesi sheshiledi.
