Video kadry/©astanatv.kz
Ishki ister ministri Erlan Turǵymbaev Túrkistan oblysynda 17 er adam jabylyp zorlady dep málimdegen qyzdyń oqiǵasyna qatysty túsinikteme berdi, dep habarlaidy Sputnik Qazaqstan.
"Ony 17 er adam zorlaǵanyna senimdisiz be? Qyz joǵalyp ketti, bir táýlik boiy bolmaǵan. Jedel sharalar kezinde ol tabylyp, anasyna qaitaryldy. Sol kúni eshqandai aryz-shaǵym bolǵan joq. Bir táýlikten keiin shaǵym tústi. Sodan keiin qyzdyń anasy notarialdy túrde aryzynan bas tartty. Tek birneshe kúnnen keiin áleýmettik jelide 17 er adam zorlady degen málimdeme tarady", -dedi Turǵymbaev májilis kýlýarynda jýrnalisterdiń suraǵyna jaýap berip.
Ol politsiia jań túsken aryz-shaǵymdy tirkegenin atap ótti.
"Biz tekserýge mindettimiz, jábirlenýshige qatysty birqatar meditsinalyq saraptama ótkizlip jatyr. Tekseris nátijesi boiynsha sheshim qabyldanady", - dep naqtylady ministr.
Atyshýly zorlaý oqiǵasy
Túrkistan oblysynyń turǵyny 17 jastaǵy qyzyn 17 er adam jabylyp zorlady dep málimdedi. Jaǵa ustatarlyq oqiǵa biyl jazda bolǵan, biraq buqaraǵa endi jariia bolyp jatyr.
Jábirlenýshiniń sózinshe, ol synyptas qyzdarymen bazarǵa kiim kórýge barǵan. Qaitar jolda tanysy úiińe jetkizip salamyn dep kóligine mingizip alǵan. Tanysy oǵan jolda sý bergen. Ári qarai eshteńe bilmeidi. Tek esin jiǵanda ózen jaǵasynda tyr jalańash jatqanyn kóredi.
4 kún joǵalyp, úiine kelgen qyzynyń túrin anasy eshqashan umytpaitynyn aitady. Matap bailaǵannan bilegi kógerip, kóileginiń dal-duly shyqqan kórinedi. Qyzdyń anasy kúdiktiler bostandyqta júrgenine ashynady.
Negizgi aiǵaq – qyzdyń kiimderi qazir joq. Olardy anasy órtep jibergen. Sebebi qyz ózine bir emes alty ret qol salmaqshy bolǵan kórinedi.
