Tótenshe jaǵdai kezinde tabysynan aiyrylýyna bailanysty Memlekettik áleýmettik saqtandyrý qorynan tólenetin ekinshi tólemge 16 sáýirge deiin ótinish bergen azamattar úmitker bola alady. Bul jóninde Eńbek jáne halyqty áleýmettik qorǵaý ministrligi habarlady.
Tótenshe jaǵdai rejimi 16 naýryzda engizildi. Tólemdi esepteý úshin birinshi ai - 16 naýryz ben 15 sáýir aralyǵy alynady. Qazirgi tótenshe jaǵdai boiynsha ekinshi ai - 16 sáýirden 11 mamyrǵa deiin.
«Osyǵan bailanysty 16 sáýirge deiin ótinish bergen azamattar (áleýmettik járdemaqy taǵaiyndaý qashan jasalǵanyna qaramastan) tótenshe jaǵdai kezinde tabysynan aiyrylýyna bailanysty 42 500 teńge tólemge ekinshi aida úmitker bola alady» delingen habarlamada.
