1,6 mln-ǵa jýyq qazaqstandyqqa 42 500 teńge birjolǵy tólem berildi, dep habarlaidy "Ult aqparat" QR Eńbek jáne halyqty áleýmettik qorǵaý ministrliginiń baspasóz qyzmetine silteme jasap.
«24 shilde saǵat 9.00-degi jaǵdai boiynsha shilde aiynda shekteý sharalaryn engizýge bailanysty tabysynan aiyrylǵan jaǵdaida Memlekettik áleýmettik saqtandyrý qorynan eń tómengi jalaqy – 42 500 teńge mólsherinde birjolǵy tólem taǵaiyndaýǵa azamattardan 2 mln-nan astam biregei ótinish qabyldandy. Tólem 1 mln 661 myń adamǵa taǵaiyndaldy. Aqshalai qarajat 1 mln 594 myń qazaqstandyqqa aýdaryldy», delingen habarlamaja.
MÁSQ-tan tólem alýǵa ótinimder birneshe arna arqyly qabyldanady.
2 millionnan astam ótinimniń ishinde:
– 801,8 myń adam proaktivti formatta tólem taǵaiyndaýǵa kelisim berdi;
– 499,4 myń adam Egov.kz portaly jáne Telegram-bottar arqyly;
– 226 myń adam 42500.enbek.kz portaly arqyly;
– 494,3 myń adam ekinshi deńgeidegi bankterdiń mobildi qosymshasy men internet resýrstary arqyly ótinish bergen.
Azamattardyń sanattary bólinisinde:
– 801,8 myń ótinish biryńǵai jiyntyq tólem tóleýshilerden berildi (proaktivti formatta);
– 137,7 myń ótinishti jaldamaly qyzmetkeri úshin jumys berýshiler berdi;
– 1 mln 82 myń ótinish azamattardyń basqa sanattarynan kelip tústi (jeke kásipkerler; jeke praktikamen ainalysatyn adamdar; azamattyq-quqyqtyq sipattaǵy sharttar boiynsha tabys alatyn jeke tulǵalar).
Tólem 1 mln 661 myń adamǵa taǵaiyndaldy. Aqshalai qarajat 1 mln 594 myń qazaqstandyqqa aýdaryldy.
Aita keterligi, ótinish qabyldaý 2020 jyldyń 1 qyrkúiegine deiin jalǵasady.
