QR Densaýlyq saqtaý ministrliginde QR Konstitýtsiiasynyń 25 jyldyǵyna orai saltanatty jiyn ótti, dep habarlaidy "Ult aqparat".
Marapattaý rásiminde Densaýlyq saqtaý ministri Aleksei Tsoi elimizdiń konstitýtsiialyq damýynyń biregei tujyrymdamasyn qalyptastyrýda Qazaqstan Respýblikasynyń Tuńǵysh Prezidenti–Elbasy Nursultan Nazarbaevtyń eńbegi zor ekendigin atyp ótti. Elimizdiń basty Zańy Elbasynyń institýtsionaldyq reformalary men saiasi bastamalaryn qamtidy.
«Konstitýtsiiamyzda adam, onyń ómiri, quqyǵy men bostandyqtary syndy eń joǵary qundylyqtar bekitilgen jáne azamattardyń múddesine qyzmet etedi. Elimizdiń negizgi Zańy halyqtyń densaýlyq saqtaý syndy basty quqyǵyn qorǵaidy. Basty quqyqtyq qujattyń 29-babynda azamattardyń tegin kepildendirilgen meditsinalyq kómek alý quqyǵy bekitilgen», - dedi A. Tsoi.
Merekelik kúnge orai elimizdiń Prezidenti Qasym-Jomart Toqaev 150 meditsina qyzmetkerin, Densaýlyq saqtaý ministrliginiń qyzmetkerlerin jáne óńirlerdegi densaýlyq saqtaý júiesi ókilderin Konstitýtsiianyń 25 jyldyǵyna arnalǵan merekelik medalmen marapattaý týraly Jarlyqqa qol qoidy.
Merekelik medal «Dárilik zattar men meditsinalyq buiymdardy saraptaý ulttyq ortalyǵy» Bas direktory-Basqarma tóraǵasy Erik Baijúnisovke, Mindetti áleýmettik meditsinalyq saqtandyrýdy úilestirý departamentiniń direktory Gúljan Shaihybekovaǵa, ALMAU Densaýlyq saqtaý menedjerlerin daiarlaý boiynsha oqytýshy Tatiana Issykke, Dári-dármekpen qamtamasyz etý jáne standarttaý departamentiniń direktory Aleksandr Kostiýkke, Qoǵamdyq densaýlyq saqtaý saiasaty departamenti qoǵamdyq densaýlyq saqtaý basqarmasynyń basshysy Gúlnar Qusbekova, meditsinalyq-áleýmettik kómek departamenti áleýmettik mańyzy bar aýrýlar kezinde meditsinalyq kómek basqarmasynyń basshysy Gúlnar Maqsutova, Qoǵamdyq densaýlyq saqtaý saiasaty departamenti qoǵamdyq densaýlyq saqtaý basqarmasynyń bas sarapshysy Rabiǵa Milybaeva, meditsinalyq-áleýmettik kómek departamenti meditsinalyq ońaltý basqarmasynyń bas sarapshysy Gúlzira Tájibaeva jáne Densaýlyq saqtaý ministrligi men vedomstvoǵa qarasty uiymdardaǵy birqatar mamandarǵa tabystaldy.
Saltanatty jiynǵa merekelik medalǵa ie bolǵan qyzmetkerlerdiń tórteýi ǵana qatysty, qalǵandary Webex boiynsha qashyqtan marapattaldy.
QR Prezidentiniń 2020 jylǵy 20 tamyzdaǵy № 387 Jarlyǵyna sáikes QR Densaýlyq saqtaý ministrligi boiynsha jalpy 150 adam, onyń ishinde ortalyq apparattan 17, Komitet jáne onyń aýmaqtyq bólimshelerinen 47 adam, vedomstvoǵa qarasty uiymnyń 86 ókili marapattaldy.
