15 qarashada Comirnaty (Pfizer) vaktsinasynyń alǵashqy toptamasy jetkiziledi. Bul týraly Úkimet otyrysynda QR Densaýlyq saqtaý ministri Aleksei Tsoi aitty, dep habarlaidy QazAqparat tilshisi.
«Balalardyń, júkti jáne bala emizetin áielderdi koronavirýs infektsiiasyna qarsy vaktsinatsiiamen qamtamasyz etý maqsatynda 4 mln 230 myń doza vaktsina satyp alyndy. Bul 2 mln 115 myń adamdy qamtýǵa múmkindik beredi. 12-17 jastaǵy balalar, júktilik merzimi 16-37 aptalyq áielder jáne bala emizetin áielder bosanǵannan keiin 42 kúnnen soń vaktsinatsiialaýǵa jatady», - dedi ol.
Ministr Comirnaty (Pfizer) vaktsinasyn saqtaý eresheligin eskere otyryp, 34 muzdatqysh satyp alynǵanyn jáne 16 óńirge jetkizilgenin aitty.
«Sonymen qatar qosymsha 51 muzdatqysh satyp alyndy. Olar osy jyldyń qarasha aiynyń sońyna deiin jetkiziledi. 15 qarashaǵa deiin Comirnaty (Pfizer) vaktsinasynyń 379 myń dozany quraityn alǵashqy toptamasy jetkiziledi dep kútiledi», - dedi Aleksei Tsoi.
