Pavlodar oblysynda 14 jyl burynǵy bolǵan qylmys DNQ saraptamasy arqyly ashyldy, dep habarlaidy ult.kz.
Ishki ister ministrliginiń habarlaýynsha, Pavlodar oblysynda 14 jyl buryn jasalǵan qylmys ashyldy.
2012 jyly baý-baqsha qoǵamdastyǵynyń aýmaǵynda 62 jastaǵy áiel zorlanyp, óltirilgen. Sol kezde qylmyskerdi anyqtaý múmkin bolmady. Biraq isti ashý boiynsha jumys jalǵasty. Jedel qyzmetkerler men kriminalister isti qaita zerdeledi. Tekserý nátijesinde kúdikti anyqtaldy. Ol 1964 jyly týǵan, buryn sottalǵan er adam bolyp shyqty.
DNQ saraptamasy onyń qylmysqa qatysy bar ekenin rastady. Er adam kinásin moiyndady. Ol ustalyp, sot sanktsiiasymen qamaýǵa alyndy. Tergeý amaldary júrip jatyr. Qylmys jasaǵan adam zań aldynda jaýap beredi.
